元朗合隆潮州粉麵 (新文華中心)

Open Now

Now Closed

【油尖旺區】【元朗合隆潮州粉麵】好耐冇寫過 1am紅館 系列，一部份原因係想顧及返其他區域嘅需要，另一部份原因係之前紅館嗰頭嘅餐廳食肆好似都已經穩定咗，再重寫好似有啲 over 咗。不過經過武漢肺炎之後，又好似洗過吓牌，我又可以寫吓佢哋喇喎。而轉舖轉得最快嘅其中一度梗係新文華中心，呢幾年嚟都見證佢嘅轉變。而呢間「元朗合隆潮州粉麵」插旗，我點都會去會一會佢。叫咗碗 $58 嘅「豬什豬油撈」，有豬雜食係過癮，不過個撈麵平庸咗啲，冇乜特別咁囉。我仲加 $15 要多「鮮牛脷」呢個餸，佢放埋喺個湯入面，夠濕潤，幾好食嘅牛舌嚟。面對呢個白胡椒湯底，點都要叫嘢飲，我叫咗 $12 嘅「金銀菊花茶」，枝裝，好似係自製嘅，唔錯。夾埋 $85 亦都唔貴，促成咗我再食一次。碗 $55 嘅「花雕鮮醉雞麵」我係要油麵，還好啦我覺得。再用 $48 叫特色小食「胡椒芫荽湯牛肉餅」，其實好似普通牛丸呀牛筋丸呀嗰啲打成一塊塊咁，okay 啦。飲 $12 嘅枝裝「香滑豆漿」，可以，今次食咗 $115 就好似小貴。。。（地址：尖沙咀科學館道14號新文華中心地下10-11號舖）#1amfoodie #foodie #hkfoo