Video
Read full review
2023-10-14
76 views
【油尖旺區】【星十五】有一晚喺公司做嘢做到個人渾渾噩噩，食飯時間都唔想食嘢，就算去到九點零鐘都仲係冇乜胃口咁。諗住去尖沙咀搵啲小食食吓咁啦，行行吓又真係搵唔到我想食嘅嘢。見到有，又係啲我之前已經寫過嘅嘢，提唔起勁去返炒。然後經過見到呢間好似幾新淨嘅甜品店，好似所有嘢都好新，而侍應態度都頗為殷切，仲斟埋茶過嚟，以糖水舖嚟講真係幾難得。而呢度係以 QR Code 自行落單，我估繁忙時間會有用啲，始終佢哋都唔係好細間嗰啲糖水舖。我叫咗個 $62 嘅「特製蓮子合桃露王」，係濃香嘅，但未去到要封王嘅境界，加 $10 要「湯丸」兩粒都係正常芝麻湯圓。有啲想食多款嘢就叫咗 $36 嘅「燉鴛鴦日本蛋」，佢將蛋黃同蛋白分開燉係幾有趣，食落都係幾唔錯嘅。本身呢餐埋單 $108 就冇乜問題，之但係有樣嘢就令我耿耿於懷。明明侍應都係咁招呼客人，唔知點解枱枱都有介紹小食，係我冇，仲要係 menu 冇嘅，想叫嘅機會都冇。我係食緊第二份甜品先知有小食，可以話係冇仇報喇。。。（地址：尖沙咀加連威老道26A地下）#1amfoodie #foodie #hkfoodie #thatfoodiething #hkfood
然後經過見到呢間好似幾新淨嘅甜品店，好似所有嘢都好新，而侍應態度都頗為殷切，仲斟埋茶過嚟，以糖水舖嚟講真係幾難得。而呢度係以 QR Code 自行落單，我估繁忙時間會有用啲，始終佢哋都唔係好細間嗰啲糖水舖。
我叫咗個 $62 嘅「特製蓮子合桃露王」，係濃香嘅，但未去到要封王嘅境界，加 $10 要「湯丸」兩粒都係正常芝麻湯圓。有啲想食多款嘢就叫咗 $36 嘅「燉鴛鴦日本蛋」，佢將蛋黃同蛋白分開燉係幾有趣，食落都係幾唔錯嘅。
本身呢餐埋單 $108 就冇乜問題，之但係有樣嘢就令我耿耿於懷。明明侍應都係咁招呼客人，唔知點解枱枱都有介紹小食，係我冇，仲要係 menu 冇嘅，想叫嘅機會都冇。我係食緊第二份甜品先知有小食，可以話係冇仇報喇。。。
（地址：尖沙咀加連威老道26A地下）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #紅磡 #1am紅館 #星十五 #尖沙咀糖水 #尖咀甜品 #特製蓮子合桃露王 #湯丸 #燉鴛鴦日本蛋 #1am1164 #1ambackup
Post
