蘭苑燒臘餐廳

Open Now

Now Closed

【油尖旺區】【蘭苑燒臘餐廳】同上司莊敬哥食飯，佢叫我揀食乜我點敢 say no，喺呢頭得間車仔麵出名啲，我就唔中意食車仔麵嘅，所以食佢隔離嗰間燒臘餐廳算。中午時段見到啲顧客都絡繹不絕，喂好多人食架喎呢間嘢，喺出面完全睇唔出咁受歡迎。既然係燒臘舖，梗係主力食佢哋嘅燒臘啦。我叫咗個「燒肉燒鴨飯」，呢兩樣嘢都感覺係喺燒味裡面冇咁容易中伏嘅。燒肉算皮脆肉嫩，燒鴨就燒得都幾好。嘢飲「凍奶茶」可以，莊敬哥都有畀我試佢個「叉燒切雞公仔麵」。叉燒都 okay，但個切雞就真係好掂，一食就知係新鮮雞整，又嫩又滑，問吓老闆娘就證實到。莊敬哥話佢杯「凍檸茶」都幾好飲，不過我點都要飲有奶嘅嘢，因為試咗佢哋個「自製辣椒油」，勁麻勁香，辣得嚟好惹味，正。老闆娘好好傾，同我哋推薦埋 $15 嘅「昆布海藻大生地玉竹煲豬踭」，佢話呢個湯煲咗三十九年，飲落真係堅料，唔係例水！傾傾吓仲請我哋食件「香滑豬紅」，又鮮又滑，好食。估唔到咁唔起眼嘅小店，都整到咁好食喎。。。（地址：旺角鴉蘭街5號A舖，近鴉蘭街3號）#1amfoodie #foodie #hkfoodie #thatfoodiething #hkfood #food