泰COOL (彌敦道) (Closed)

遇著疫情，新開泰cool分店係油麻地都幾無奈。位置算係唔差，如果旅遊係ok。夜晚外賣自折有折，希望頂得住啦。夜晚黎講真係正喎，幾乎都有齊我想食嘅泰式嘢。環境都唔太差，街景有梳化，如果係度食，應該幾好。有下午茶時段咖喱鯖魚，58元，幾好，唔會好辣，魚都煎得唔錯，入到小小，又唔會破壞個魚味，飯仲好多。豬頸肉撈檬，58元，太耐無食豬頸肉，又係我最愛嘅撈檬，好味，豬頸肉即整係脆邊，檬唔算少，都幾多，食得好full。追加左一份魚餅，18元，都幾足料，又香口仲有咖啡奶茶送，奶茶係我想飲到嘅泰式，又唔會好甜。食物即叫即整，掂呀。