村爺爺車仔麵 (Moved) New Location

係，一個人頹頹地，靜靜地搵樹食。揀左呢間車仔麵，好耐之前見過電視介紹。位唔多，四張四人位枱。對自己好啲，一叫就食龍蝦！要先係點左餸先入去坐底食，除左龍蝦仲叫左其他餸。先呷湯底，好濃嘅湯，唔係味精先。龍蝦一叉起肉，好大舊肉。之前食開龍蝦都要百幾二百，呢個68元半個都算唔錯，比想像中多肉。烏冬都ok嘅，都幾好味，唔會太林。其他餸方面，個人覺得都ok，我有叫南乳雞翼，炸墨魚手指，其他純口痕想食，食到太飽。除非真係好肚餓，否則叫68元嗰個連2個餸其實好夠。呢間無令我失望，比我想像中多，唔點龍蝦嘅，普通車仔麵都應該ok，下次再嚟食過先。