Video
Read full review
2022-05-30
46 views
▪️有咩咁大件事要記實佢？因為實在太出色😍又價錢親民，呢間新蒲崗新開海膽主題日本菜絕對係我近年最鍾意嘅日本餐廳之選！！😍▪️海膽：嚟到海膽仔梗係要食下海膽😼先嚟係三色丼，無論係吞拿魚蓉定係三文魚籽都係超鮮甜，但海膽始終係重中之重👍🏻味道濃郁而鮮甜，絕對無揀錯😋另一款係黑色成粒炭咁嘅熔岩海膽魚餅，當然用嚟做餡嘅海膽無咁上等，比較淡味，但同個甜甜地嘅魚餅好夾，又係大力推介👍🏻▪️壽司：真係全部都好食。首先要推介本人一向大愛嘅火炙左口魚邊，海膽仔做到完美入口即融，大推👏🏻👏🏻另外赤貝嘅爽甜，細池魚嘅濃烈魚味，同埋帶子嘅厚滑鮮甜，都係一時之選😋▪️串燒：食咗四串，分別係和牛，牛舌，雞肉棒同雞腎😎和牛同雞肉棒正路，而牛舌同雞腎係超級好味😋牛舌口感扎實，調味用咗特別啲嘅香料，風味同出面食到嘅好唔同，好惹味；雞腎同樣係特別香料調製，但又保持到雞腎本身嘅獨特味道，燒得啱啱好🔥▪️其他：仲食咗甲羅燒同吉列生蠔，都係大愛推介❤️滿滿的蟹膏配多士食係一絕，而佢個吉列生蠔真係做到「生蠔」（因為炸蠔好常見係炸到入面乾晒），所以好好味🤤▪️講緊呢餐兩個人$600左右就食咗咁多嘢，但以質素計我覺得比$700以上都好合理的👏🏻所以
▪️海膽：嚟到海膽仔梗係要食下海膽😼先嚟係三色丼，無論係吞拿魚蓉定係三文魚籽都係超鮮甜，但海膽始終係重中之重👍🏻味道濃郁而鮮甜，絕對無揀錯😋另一款係黑色成粒炭咁嘅熔岩海膽魚餅，當然用嚟做餡嘅海膽無咁上等，比較淡味，但同個甜甜地嘅魚餅好夾，又係大力推介👍🏻
▪️壽司：真係全部都好食。首先要推介本人一向大愛嘅火炙左口魚邊，海膽仔做到完美入口即融，大推👏🏻👏🏻另外赤貝嘅爽甜，細池魚嘅濃烈魚味，同埋帶子嘅厚滑鮮甜，都係一時之選😋
▪️串燒：食咗四串，分別係和牛，牛舌，雞肉棒同雞腎😎和牛同雞肉棒正路，而牛舌同雞腎係超級好味😋牛舌口感扎實，調味用咗特別啲嘅香料，風味同出面食到嘅好唔同，好惹味；雞腎同樣係特別香料調製，但又保持到雞腎本身嘅獨特味道，燒得啱啱好🔥
▪️其他：仲食咗甲羅燒同吉列生蠔，都係大愛推介❤️滿滿的蟹膏配多士食係一絕，而佢個吉列生蠔真係做到「生蠔」（因為炸蠔好常見係炸到入面乾晒），所以好好味🤤
▪️講緊呢餐兩個人$600左右就食咗咁多嘢，但以質素計我覺得比$700以上都好合理的👏🏻所以整體而言都真係我近年食過性價比最高嘅日本菜
Post
