Video
Read full review
2022-07-13
240 views
肥b試過一次，感覺唔太好，話想帶我去再試吓，俾多次機會佢。平時行過偶爾都見到幾多人，所以就試一試啦！餐廳裝修都有特別，開揚又光猛，環境衛生唔錯。而服務就...由決定食哩間行入門口，自己去嘟針卡，到自己搵位坐都冇職員理過你。✨磨菇湯 (餐湯)飲落有磨菇味，但湯品唔夠香濃，屬於切粒加落忌廉湯嘅款式，面層加咗幾粒麵包脆粒，口感係豐富咗。✨蟹棒蕃茄忌廉意粉 $78上枱見到蟹蓋的確有驚喜，喜在於有裝飾，驚係發現蟹蓋的確只係一個裝飾😓 反轉蟹蓋仲見到入面超級乾淨仲濕嘅💦 係洗完嘅感覺。醬汁係龍蝦湯味道，都幾香嘅，中間夾雜住蟹棒絲，咁就啖啖都食到蟹棒，意粉咬落幾彈牙，不過口感有啲唔似係意粉😂✨溫泉玉子卡邦尼意粉 $85溫泉玉子做得唔錯，配埋煙肉都ok，但卡邦尼意粉竟然冇味😅 ✨水蜜桃綠茶 (套餐餐飲)淡淡嘅水蜜桃味配埋綠茶都幾清新🌿✨柳橙冰紅茶 (套餐餐飲)紅茶味幾濃，但柳橙味就唔係出，所以感覺只係飲緊冰紅茶。🔍整體感覺：餐廳環境的確唔錯，但服務態度就有待改善。蟹棒意粉上枱時，蟹蓋原本放喺意粉上面，我剛移開去旁邊，但仍然係蓋住意粉嘅，職員突然伸手埋嚟拎走個蟹蓋，完全都冇理會過客人😓 佢咁心急收返個蟹
肥b試過一次，感覺唔太好，話想帶我去再試吓，俾多次機會佢。平時行過偶爾都見到幾多人，所以就試一試啦！餐廳裝修都有特別，開揚又光猛，環境衛生唔錯。而服務就...由決定食哩間行入門口，自己去嘟針卡，到自己搵位坐都冇職員理過你。
✨磨菇湯 (餐湯)飲落有磨菇味，但湯品唔夠香濃，屬於切粒加落忌廉湯嘅款式，面層加咗幾粒麵包脆粒，口感係豐富咗。
✨蟹棒蕃茄忌廉意粉 $78上枱見到蟹蓋的確有驚喜，喜在於有裝飾，驚係發現蟹蓋的確只係一個裝飾😓 反轉蟹蓋仲見到入面超級乾淨仲濕嘅💦 係洗完嘅感覺。醬汁係龍蝦湯味道，都幾香嘅，中間夾雜住蟹棒絲，咁就啖啖都食到蟹棒，意粉咬落幾彈牙，不過口感有啲唔似係意粉😂
✨溫泉玉子卡邦尼意粉 $85溫泉玉子做得唔錯，配埋煙肉都ok，但卡邦尼意粉竟然冇味😅
✨水蜜桃綠茶 (套餐餐飲)淡淡嘅水蜜桃味配埋綠茶都幾清新🌿
✨柳橙冰紅茶 (套餐餐飲)紅茶味幾濃，但柳橙味就唔係出，所以感覺只係飲緊冰紅茶。
🔍整體感覺：餐廳環境的確唔錯，但服務態度就有待改善。蟹棒意粉上枱時，蟹蓋原本放喺意粉上面，我剛移開去旁邊，但仍然係蓋住意粉嘅，職員突然伸手埋嚟拎走個蟹蓋，完全都冇理會過客人😓 佢咁心急收返個蟹蓋，莫非係要去洗乾淨再重用🤨 食物嘅味道就麻麻地，唔多吸引，我唔會再去第二次😅
Post
