五福園

Open Now

Now Closed

【深水埗區】【五福園】同真正哥行深水埗，咁就梗係喺埋深水埗食嘢。呢區食嘢出名款式多之餘又平靚正，因此都唔怕會中伏。行住睇，行到北河街呢邊見到呢間五福園幾吸引，主打正宗福建小食同麵食，又有石磨腸粉，二話不說就殺入去。入到去見到呢間小店幾簡潔，枱櫈唔多，幾乾淨企理，唔同某啲內地小店嘅環境。而佢哋係做莆田傳統手工菜，招牌菜燕皮扁肉係每日人手包製，同一般嘅雲吞、水餃唔同。吹到咁勁，叫碗 $36 嘅大「莆田古法扁肉」嚟試吓。食落有啲似我本身好中意食嘅小雲呑，裡面肉餡唔大但好香肉味。而佢哋每一粒都係 bite size，啱啱好，我勁中意食。而真正哥就試 $38 嘅「秘製牛腩麵」，佢哋啲牛腩切得比較細，但一樣好食，配合埋個麵都真係幾豐富嘅。之後我哋試埋石磨腸粉，叫咗 $25 嘅「蝦仁腸粉」，蝦仁本身有醃咗味，件事唔會咁寡。而腸粉本身係石磨嘅，好香，香港唔易食到，近年先叫多少少。夾埋成餐只係 $99，抵食啦，下次試埋佢哋個藥膳湯麵，好似都正。。。（地址：深水埗北河街131號地舖）#1amfoodie #foodie #hkfoodie #thatfoodiething #hkfood #food #i