Video
Read full review
2023-05-06
857 views
【深水埗區】【四季冰室】深夜時份一個人喺深水埗搵嘢食，平時諗起可能會食嘢嘅地方都閂咗門。而喺嗰個時間，直頭係連西九龍中心都已經十室九閂，因此個選擇都係得返「見到嗰啲」，見邊間仲著住燈就係嗰間，咁就嚟咗汝州街呢邊望吓。呢頭仲有幾間嘢未收，最企理嘅就係眼前嘅呢間四季冰室，所以就走咗入去。入到去見到啲宵夜餐唔太吸引，於是就叫返「招牌特餐」算喇。而侍應見我要特餐，都好心提醒我當刻已經冇晒沙嗲牛肉，不過就有鮮牛肉嘅。咁就嚟個 $48 嘅「忌廉雞湯鮮牛肉米粉」，清清哋幾好，感覺夠健康。個「北海道3.6牛乳炒滑蛋」略嫌唔夠滑，有啲麥當勞 feel，塊「火腿」正常。加 $3 要「香脆奶油豬」，係好食嘅，加埋杯「熱奶茶」成件事係幾完整嘅。就咁就梗係唔夠喉，叫多份 $40 嘅「粒粒金磚西多士」配「脆香惡魔炸雞髀」，都係飲「熱奶茶」。初初同阿姐溝通有誤會，佢以為我外賣，所以收我外賣錢同 pack 好畀我，好彩我發現得早，即刻叫佢改返，先有得上碟咋。佢唔記得畀糖漿我，不過個西多有夾花生醬，我就咁食都覺得 okay。而隻雞髀就好似炸得多咗，大家睇圖都見到佢係比較深色嘅，之但係咁嘅組合又絕對係對得住個價錢。食咗兩
呢頭仲有幾間嘢未收，最企理嘅就係眼前嘅呢間四季冰室，所以就走咗入去。入到去見到啲宵夜餐唔太吸引，於是就叫返「招牌特餐」算喇。而侍應見我要特餐，都好心提醒我當刻已經冇晒沙嗲牛肉，不過就有鮮牛肉嘅。
咁就嚟個 $48 嘅「忌廉雞湯鮮牛肉米粉」，清清哋幾好，感覺夠健康。個「北海道3.6牛乳炒滑蛋」略嫌唔夠滑，有啲麥當勞 feel，塊「火腿」正常。加 $3 要「香脆奶油豬」，係好食嘅，加埋杯「熱奶茶」成件事係幾完整嘅。
就咁就梗係唔夠喉，叫多份 $40 嘅「粒粒金磚西多士」配「脆香惡魔炸雞髀」，都係飲「熱奶茶」。初初同阿姐溝通有誤會，佢以為我外賣，所以收我外賣錢同 pack 好畀我，好彩我發現得早，即刻叫佢改返，先有得上碟咋。
佢唔記得畀糖漿我，不過個西多有夾花生醬，我就咁食都覺得 okay。而隻雞髀就好似炸得多咗，大家睇圖都見到佢係比較深色嘅，之但係咁嘅組合又絕對係對得住個價錢。食咗兩個餐，夾埋 $91，要諗返其實我係食咗二人份量。。。
（地址：深水埗汝州街243號地舖）
Post
