Video
Read full review
2024-08-17
3612 views
【深水埗區】【Loop Kulture】一個愜意而唔使返工嘅星期五，我拖住輕快嘅步伐行咗去楓樹街遊樂場嗰邊，見到喺云云車房之中居然佇立咗啲文青 cafe 喺裡面。試吓呢間裝修好似走工業風嘅，入到去就見到原來仲有露營主題，我就叫完嘢食之後，上咗樓上坐露營櫈，感受露營氣氛。上菜，先試 $98 嘅「三文魚籽牛油果配法式千層薯」，有三文魚籽配牛油果、無花果、藍莓、飛達芝士放上香炸自家製千層薯塔度，可以話係極度邪惡，食正晒我中意嘅味道，每一啖都咁好食。最瘋狂嘅係佢本身都已經幾好食，加埋三文魚籽上去之後勁正。之後試主食 $138 嘅「冬蔭功蝦長通粉」，冬蔭功醬配以蝦、車厘茄、香茅、羅勒、青檸檬嘅長通粉，香辣惹味。甜品我就試 $68 嘅「炸士多啤梨香蕉春卷配野莓乳酪意式雪糕」，炸士多啤梨春卷同炸香蕉春卷都好特別，加上野莓乳酪意式雪糕，件事好夾。咁嚟到一間 cafe，點可以唔飲嘢呢，而我亦都唔可能唔講佢哋嘅嘢飲。因為店員推薦我試 $60 呢杯「Cucumble Bomb」，本身已經有淡淡青瓜味嘅梳打，加上一個 shot 嘅濃縮咖啡，飲出一個好清新嘅味道，又唔會搶咗咖啡味，相當有創意，値得嚟飲吓。。。（
上菜，先試 $98 嘅「三文魚籽牛油果配法式千層薯」，有三文魚籽配牛油果、無花果、藍莓、飛達芝士放上香炸自家製千層薯塔度，可以話係極度邪惡，食正晒我中意嘅味道，每一啖都咁好食。最瘋狂嘅係佢本身都已經幾好食，加埋三文魚籽上去之後勁正。
之後試主食 $138 嘅「冬蔭功蝦長通粉」，冬蔭功醬配以蝦、車厘茄、香茅、羅勒、青檸檬嘅長通粉，香辣惹味。甜品我就試 $68 嘅「炸士多啤梨香蕉春卷配野莓乳酪意式雪糕」，炸士多啤梨春卷同炸香蕉春卷都好特別，加上野莓乳酪意式雪糕，件事好夾。
咁嚟到一間 cafe，點可以唔飲嘢呢，而我亦都唔可能唔講佢哋嘅嘢飲。因為店員推薦我試 $60 呢杯「Cucumble Bomb」，本身已經有淡淡青瓜味嘅梳打，加上一個 shot 嘅濃縮咖啡，飲出一個好清新嘅味道，又唔會搶咗咖啡味，相當有創意，値得嚟飲吓。。。
（地址： 深水埗鴨寮街90號地舖）
@loop.kulture
Post
