輕時光

Open Now

Now Closed

最近工作壓力越來越繁重，搞到自己都想逃避下世界。咁啱機緣巧合之下「take your time」呢間飲品店就出現咗，由於呢間飲品店嘅理念Slow your step，take your time嘅想法同依家極需要休息嘅我不謀而合，所以一於週末去試下。芒果紅火龍優格果昔個人比較崇尚健康，而果昔係呢間店嘅王牌之一，所以選擇咗招牌呢款飲品。以新鮮嘅紅火龍果同芒果作為主題嘅水果乳酪飲品就比較吸睛。火龍果丶芒果同優酪乳打成果昔後，層層疊疊喺杯入面，外觀細節位勁多。紫白相間嘅感覺似火龍纏繞著乳酪，比人眼前一亮嘅感覺。沙冰口感細滑順綿，清新美味，果然係鎮店之寶。抹茶Oreo熱牛乳上黎就已經聞到一陣陣日本抹茶嘅味道，中間有非常多嘅Oreo碎碎。Oreo碎碎會因數量太多而往下沉底，但唔會搶去濃郁嘅抹茶口味。細膩柔滑嘅抹茶加上oreo嘅甜絲絲，相信會非常得到好多女士嘅歡心，因為絲滑不甜膩係佢嘅特點。