船皇 (厚福街) (Closed)

🍜 船皇 係我食船麵嘅go-to place，暫時係香港食過都覺得佢係最正宗最有「泰」度，湯頭夠濃夠層次😍早排路過厚福街果間見到原來多咗好多選擇，所以又去咗懷念下泰國味道🤓🍜最新嘅選擇係有炸雞肶同滷水肶配船麵，咁有諗頭嘅配搭我梗係試佢一試，尤其我係炸肶控🤤佢係即叫即炸所以要等5-10分鐘啦，隻肶水準中上，配埋船麵咁食又非常咁夾，可以一戰💪🏻另外一碗就係正常豬肉丸加豬腩加豬潤，算係皇牌超穩陣選擇，當然都係咁正😋🍜另外船皇特色係仲有泰式串燒食，呢點係好多賣船麵嘅鋪頭無嘅！今次試咗牛舌保留到好多肉汁，唔錯❤️另外佢地嘅泰仔奶茶一向都好好飲似足泰國當地風味，係必試架！埋單人均$75左右，都仲係咁正！