爺爺雞飯 (金百利中心) (Closed)

【灣仔區】【爺爺雞飯】呢餐好特別，同兩位朋友食，但係我當晚胃口就唔係太好，所以都冇乜點食。然而朋友盛意拳拳咁，我又好難推卻嘅，始終我要佈一個好大嘅局，捉一盤好大嘅棋吖嘛。餐廳位置唔錯嘅，係喺銅鑼灣嘅金百利七樓，一個正常嘅香港人都應該識去嘅地方嚟。首先叫咗 $68 嘅「馳名沙薑雞配白飯」，呢度出名食雞飯，睇佢啲雞個樣都唔錯，皮幾黃，朋友都話 okay。然後係 $68 嘅「馬來沙嗲串燒半打」，有六串沙嗲串，感覺都幾有馬拉 feel 嘅。味道方面，朋友都話係可以嘅，至少對得住個價錢先，呢點好重要。之後仲有 $35 嘅「印度薄餅」，一碟有四件，即係一塊圓形嗰啲印度薄餅一開四，佢哋話 okay。飲品方面，朋友飲 $45 嘅「百香果水果茶」少冰，朋友話好飲。而我嗰杯 $30 嘅「椰汁班蘭冰」就相當一般，好似有陣怪味。埋單 $270，銅鑼灣樓上舖合理價錢。。。（地址：銅鑼灣記利佐治街1號金百利中心7樓R2號舖）