SUKIYA すき家 (康怡廣場南座)

Open Now

Now Closed

星期一，11：50，店面8成滿。外賣就要排隊，堂食就搵位坐低點餐。來買外賣的人可謂籠絡不斷。餐牌內食物種類多到有點花多眼亂。我想食牛，但見有套餐配炸雞，又即本試吓。食物應該是整定的，3分鐘內就有餐。炸雞皮是脆的，雞肉滑，但唔熱既。溫泉蛋有兩隻另上，感覺好抵。蛋白仍是流質，剝雞蛋殼時唔小心俾蛋白彈到自己。牛肉和燒肉份量不少。飯是熱的，飯粒軟硬適中。整體感覺很好。（兩張相係加溫泉蛋後和加蛋前）叫了冰紅茶，今天叫冰紅茶套餐減5蚊。賣相一般，但飲落 ok。12：07 已經食完，之後要拎張單去排隊俾錢。因為有唔少人叫外賣，要排左幾分鐘先俾到錢。宜家食過兩餸飯加飲品都要四五十蚊，呢個餐真係好味，感覺好抵。