Video
Read full review
2023-05-03
456 views
如果唔係朋友介紹去，住北角嘅我都唔知原來有呢間小店omakase。價錢比較貼地，分別有$980、$1280、$1480，午市更加係$800樓下！價錢貼地，但體驗好難忘，可以話係「嚐到滿滿平淡中的幸福味道」，的確幾有特色（值得一讚嘅係師傅嘅火炙功力！）呢到更加係可以舒舒服服食omakase，傾傾下計，唔知時間過【溫馨感覺omakase】當晚點了個$1280 omakase，先來一杯清酒🍶（2人有125ml），sake 好醇易入口。細節都好用心，餐廳個富士山杯倒上sake後，係會變個藍色富士山🗻出來1.先付- 係蓮藕、水雲加芝士，伴清酒一流。蓮藕好爽口refreshing，芝士都好濃好夠cheese！2.九州蠔- 單睇賣相已經覺得好肥美，食落去滿口鮮甜、爽口、海水味濃。師傅在蠔下面放上紫蘇葉，可以分開食，口感更特別。3.螢光魷魚- 師傅在面前火炙時已聞到好香，表層烤香了，入面濃濃肥美膏好香，好滋味4.北海道帶子- 以為只係普通刺身帶子，點知師傅一拍落去會縮，而且超新鮮，口感好實在，滿口鮮甜味。師傅更加好油心機削柚子落去，令味道昇華5.大刀魚- 又到師傅展現火炙功力嘅時候，熟度剛剛好，令魚肉
如果唔係朋友介紹去，住北角嘅我都唔知原來有呢間小店omakase。價錢比較貼地，分別有$980、$1280、$1480，午市更加係$800樓下！
價錢貼地，但體驗好難忘，可以話係「嚐到滿滿平淡中的幸福味道」，的確幾有特色（值得一讚嘅係師傅嘅火炙功力！）
呢到更加係可以舒舒服服食omakase，傾傾下計，唔知時間過
【溫馨感覺omakase】
當晚點了個$1280 omakase，先來一杯清酒🍶（2人有125ml），sake 好醇易入口。細節都好用心，餐廳個富士山杯倒上sake後，係會變個藍色富士山🗻出來
1.先付
- 係蓮藕、水雲加芝士，伴清酒一流。蓮藕好爽口refreshing，芝士都好濃好夠cheese！
2.九州蠔
- 單睇賣相已經覺得好肥美，食落去滿口鮮甜、爽口、海水味濃。師傅在蠔下面放上紫蘇葉，可以分開食，口感更特別。
3.螢光魷魚
- 師傅在面前火炙時已聞到好香，表層烤香了，入面濃濃肥美膏好香，好滋味
4.北海道帶子
- 以為只係普通刺身帶子，點知師傅一拍落去會縮，而且超新鮮，口感好實在，滿口鮮甜味。師傅更加好油心機削柚子落去，令味道昇華
5.大刀魚
- 又到師傅展現火炙功力嘅時候，熟度剛剛好，令魚肉肉質嫩滑中帶juicy，味道鮮甜。
6.富山縣冰見「寒鰤魚」
- 大大塊超肥美，上面加上豐洲脆芝麻+鹽，食落去先係食到淡淡的鹹香，然後慢慢滲出魚肉鮮甜味，口感細膩，層次豐富。
7.自家製磯煮鮑魚
- 食嘅係師傅滿滿的心思，鮑魚原隻上，上面撈上鮮香鮑魚膏，口感好特別，超有嚼勁
- 伴菜係超入味蘿蔔
隨後會送上素湯暖暖胃，再食其他魚壽司。
ps每樣魚刺身師傅都會特別調製+ 火炙！
8.深海池魚
-用火炙過，令表層有濃郁煙燻味，池魚本身厚切
9. 竹筴魚
- 表皮火炙脆香，肉身較淋
10.中拖羅
- 因為係近魚餃位，肉質軟淋無筋，入口即溶
11.大拖羅
- 食落去入口即溶，滿滿鮮甜味
【超難忘之選】
之後幾款更加係重點，係成餐飯最難忘的，亦都可以話係呢到特色！
12.蝦
- 上面鋪上燒過嘅蝦頭膏真係精華所在！燒到好香，食落去滿口鮮蝦膏味，蝦刺身彈口新鮮，肥美，連蝦膏食格外滋味
13.生死戀
- 師傅稱之為「生死戀」，係生+熟toro 配上紫蘇葉，食落去滿滿油脂香 ，生熟都好肥美有層次感，入口即溶
14.會消失的左口魚
- 看似好平淡嘅一款，但食落去超唔平凡！肉質好肥美，慢慢會在口中溶化，係完全溶曬果隻，真係好正
15.海膽
- 海水味較重，味道幾鮮甜
最後仲有蟹肉烏冬同甜品，真心豐富，同滿滿幸福味道～真係好似師傅所講「過到我口嘅食材就ok」，再加上佢好用心配搭、調製，並非一般omakase體驗！
Post
