劉一手重慶火鍋 (金朝陽中心二期 - Midtown)

Open Now

Now Closed

【灣仔區】【劉一手重慶火鍋】聽過呢間嘢好耐，不過因為我唔太食得辣，所以我一直都冇將佢放喺我目標名單之內。直到呢排朋友買咗 klook 嘅優惠，好似可以平啲咁食一個套餐，我就姑且去睇睇發生咩事，原來係一個 $569 嘅「獨家限時半價優惠」嚟。佢個全名係「秘製麻辣鴛鴦鍋二人滋味晚餐」，兩個鐘用餐時間，配備一個「鴛鴦鍋湯底」。我哋都唔太食得辣，所以揀咗「皮蛋芫茜湯」同「滋潤椰子雞湯」，夠晒弱，我中意。兩者都可以，只係愈食愈鹹，要加水先得。火鍋料有「鮮切本地牛三拼」，包括手切牛上腦、手切吊龍牛肉、鮮切本地騸牯牛展，都幾正，而「手切梅頭豬肉片」同「新鮮魷魚」其實都唔錯。個餐仲有重慶特色食材「招牌劉毛肚」、「團圓鴨血」同「海帶苗」，可以嘅。之後嘅「海陸三拼手打肉丸」、「重慶特色蔬菜拼盤」同「重慶小麵」感覺都係正常火鍋料，可能放辣湯會好啲。小食「炸響鈴」同「重慶特色酥肉」都幾好，甜品「黑糖糍粑」好食，飲品係「酸梅湯」，都可以。嘅餐唔係我畀，用原價嚟加一，好似唔算好抵食。。。（地址：銅鑼灣登龍街1-29號金朝陽中心二期 - Midtown 1樓）#1amfoodie #foodie #hkfoodie