Porkcentric (Renamed) View

【灣仔區】【Porkcentric】我經常都會過嚟大坑呢邊做嘢，但係往往只係做嘢反而冇乜喺呢頭食嘢。經理哥喺度就唔怕啦，同佢食飯就解決到所有問題。喺蓮花宮路口位間西餐我想試好耐，平時會見到啲外國人喺度飲酒，每次我都係得個望字，今次終於有機會入去，仲要係同經理哥。我哋都試佢哋 $298 嘅「BBQ Set」，餐包配醬汁好好味，前菜我哋揀咗「羅宋湯」同「薯仔沙律」，兩者各有特色，都非常正，而且份量都唔細。主菜我哋試「Hampshire Roasted Pork Knuckle」同「Porkcentric Ribs」，兩者都勁大件、醬汁好香。套餐有三道菜，第三道係甜品，試咗「焦糖燉蛋」同「蘋果千層蛋糕」，前者食到經理哥好震撼，好正，後者我都覺得好好味，幾清香。我哋仲叫埋各 $58 嘅飲品，經理哥杯「Calmemile」果味夠香，我杯「Green On Green」都唔錯，埋單 $783 可以嘅。。。（地址：大坑銅鑼灣道98號地舖）@porkcentric#1amfoodie #foodie #hkfoodie #thatfoodiething #hkfood #food #instafood