The Chippy (耀華街) (Closed)

【灣仔區】【The Chippy】同道歉哥喺香港大球場睇完香港逼和土庫曼嘅世界盃外圍賽足球賽事之後，我哋就喺銅鑼灣搵嘢食。而家嘅香港就真係夜繽紛，深夜仲有營業嘅餐廳好似得返啲茶記同潮式粉麵檔，想食啲比較西化少少嘅嘢，只能去啲酒吧。見到呢間喺耀華街嘅 bar 幾特別，人哋多數係 steakhouse 或者 steak & bar 之類，但佢就叫自己 fish bar，仲掛起唔同英超球會會章嘅旗，充滿英式風情。見佢咁特別就走咗入去坐，但叫咗 $68 嘅「水牛城雞翼」，哈哈。件事有啲美色風情，但因為佢比較辣，我已經唔知自己喺度食乜。咁點都要有主食嘅，而嚟得呢間 fish bar，又點可能唔食吓佢哋嘅 fish and chips 呢？先叫咗個 $198 嘅「炸原條冰島鱈魚薯條」，都係炸冇味魚，正正常常。跟住食 $208 嘅「炸原條冰島比目魚薯條」，呢個魚味重啲，但又冇咁似 fish and chips，好矛盾。咁嚟得 bar，點都飲啲酒，道歉哥飲「Asahi 生啤」，我飲「Henry Weston's Cider」，都係 $68，加埋一 $671，係咁上下。。。（地址：銅鑼灣耀華街18號地舖