Two Ediots

Open Now

Now Closed

【灣仔區】【Two Ediots】大家睇圖就知我今日係去一間漢堡店，喺香港漢堡店都幾多，甚至可以衍生出港式漢堡，都真係已經成為香港其中一種飲食文化。而講吓題外話先，「世界桌球大師賽」決賽就會喺晚上七點進行，全力支持傅家俊。本身可能都唔太留意運動賽事嘅朋友，或者睇完新聞都會「過目即忘」。姑勿論比賽結果如何，文字留低過一啲支持過嘅印記都係唔錯嘅回憶。就好似嚟到灣仔試呢間漢堡店一樣，有好嘢就梗係帶同多年好友一齊出席開心吓。餐廳陳設簡潔而具有個性，亦有室外嘅位置畀唔同需要嘅顧客。不過我就好簡單嘅啫，就係食佢嘅招牌菜，$84 嘅「雙重牛肉芝士漢堡」。作為經典款式，佢夾咗兩塊自家製美式牛肉餅，非常邪惡，肉汁迸發出嘅牛味充足。除咗牛肉餅，仲有醬汁、生菜、蕃茄同我幾中意嘅生洋蔥，放埋一齊真係絕配。加 $25 可以升級套餐，小食我揀「芝士棒」，有得拉絲就知咩料啦，朋友拉到朱前警司隻手臂咁長添。另外仲加 $20 飲「呍呢嗱奶昔」，還好。朋友叫 $98 嘅「軟殼蟹牛肉漢堡」，牛肉就一樣咁正啦，而佢就唔太好軟殼蟹個粉漿。佢都有升級套餐，個「松露薯條」都幾正，我有試，而 $20 嘅「士多啤梨奶昔」佢冇感覺。重點