Video
Read full review
2022-11-03
183 views
『環境氣氛都好舒服，無論單點定tasting menu都各有特色，性價比好高絕對值得再訪』灣仔段純貞樓上新開左間日式餐廳，主廚Jason Luk 曾任職Honjo同Zuma，菜式糅合世界各地特色，各樣食材搭配有新意又融洽👨🏻🍳$980 嘅Tasting Menu 包含10道菜，每樣份量會比A La Carte迷你小小，但係就可以試到多d款式👅當晚我地3個人除左食tasting menu仲散嗌左幾款侍應推介嘅菜式，其中幾款海膽菜式都印象深刻✨酒鬼千其唔好錯過佢地嘅雞尾酒同清酒呀！推介 🥢煙燻牡丹蝦 🥢松露海膽多士 🥢牛骨髓海膽撈麵 🥢炸雞 ————————————————————■ Tasting Menu(HKD 980)| 4/5✧*｡前菜。枝豆 | 柚子啫喱漬番茄 | 煙燻牡丹蝦✨松露海膽多士✨| 阿根廷青醬和牛他他前菜嘅番茄好清甜，牡丹蝦巨型鮮甜，帶有滿嘴煙燻的芳香🌿海膽多士絕對係當晚highlight，多士酥脆帶焦糖感，配上軟滑海膽好想瘋狂encore(˃ ⌑ ˂ഃ ) ✧*｡ 刺身& 壽司。油甘魚 | 深海池魚 | 中拖羅刺身同壽司中規中矩，魚料厚切食得出幾新鮮
『環境氣氛都好舒服，無論單點定tasting menu都各有特色，性價比好高絕對值得再訪』
灣仔段純貞樓上新開左間日式餐廳，主廚Jason Luk 曾任職Honjo同Zuma，菜式糅合世界各地特色，各樣食材搭配有新意又融洽👨🏻🍳$980 嘅Tasting Menu 包含10道菜，每樣份量會比A La Carte迷你小小，但係就可以試到多d款式👅
當晚我地3個人除左食tasting menu仲散嗌左幾款侍應推介嘅菜式，其中幾款海膽菜式都印象深刻✨酒鬼千其唔好錯過佢地嘅雞尾酒同清酒呀！
推介 🥢煙燻牡丹蝦 🥢松露海膽多士 🥢牛骨髓海膽撈麵 🥢炸雞
————————————————————
■ Tasting Menu(HKD 980)| 4/5
✧*｡前菜。
枝豆 | 柚子啫喱漬番茄 | 煙燻牡丹蝦✨
松露海膽多士✨| 阿根廷青醬和牛他他
前菜嘅番茄好清甜，牡丹蝦巨型鮮甜，帶有滿嘴煙燻的芳香🌿海膽多士絕對係當晚highlight，多士酥脆帶焦糖感，配上軟滑海膽好想瘋狂encore(˃ ⌑ ˂ഃ )
✧*｡ 刺身& 壽司。
油甘魚 | 深海池魚 | 中拖羅
刺身同壽司中規中矩，魚料厚切食得出幾新鮮
✧*｡ 虎蝦蔬菜天婦羅。
麵衣薄脆將汁水緊緊鎖住，最鍾意紫薯又甜又粉
✧*｡龍蝦汁海膽三文魚子天使麵✨
同牛骨髓海膽麵略有不同，呢道天使麵龍蝦汁好濃郁，充滿海洋嘅清爽感
✧*｡ Main Course。
番茄味噌甘鯛立鱗燒 / 澳洲M6和牛牛臀肉蓋部
甘鯛肉質細嫩，配上尼泊爾咖喱增添異國風味🐟而和牛則油潤嫩滑
✧*｡ Dessert - 抹茶朱古力心太軟。
■ Okonomiyaki(HKD248) | 3.5/5
有好多帶子係上面嘅大阪燒
■ 炸雞(HKD98) | 4/5
炸雞入味皮脆柔嫩，一咬落去肉汁咇晒出嚟好正
■ 牛骨髓海膽撈麵(HKD288) | 4/5
香到癲🤩麵質彈牙同肥美嘅牛骨髓好夾，極邪惡嘅選擇
⚫︎ Cocktail & Sake
►► Ozatini | Shiso Mojito(HKD138)| 4/5
►► Daimon Road to Osaka Tokubetsu Junmai Nigori(HKD128)| 4.3/5
Ozatini係巨峰提子整嘅雞尾酒，充滿果香好好飲！而紫蘇Mojito揀左白桃味非常清新。最愛係大門嘅清酒，濁酒尤其顯得米香悠長
————————————————————
♣️ @ozakayahk
☌ 灣仔莊士敦道74-80號The Johnston1樓
◔‘12nm-3pm; 5-10pm
回頭率：🌕🌕🌕🌕🌑
環境：🌕🌕🌕🌕🌑
份量: 🌕🌕🌕🌕🌗
味道：🌕🌕🌕🌕🌑
價錢：HKD1161p.p(incl. 10% service charge)
Post
