火水爐花膠館

Open Now

Now Closed

某次想食另一間米線但等好耐好肚餓底下見到依間餐廳都有米線就入去試下。坐低見到係車仔麵就揀咗幾款鐘意食嘅餸，碗麵嚟到先知原來每碗車仔麵都set好有一塊花膠！Venus 本人係唔鐘意食花膠，因為覺得腥。見到花膠又大塊，唔食又浪費，果刻頂硬上食la，食落完全無腥味，正確嚟講係完全無咩味，我叫麻辣湯底，浸住食就係麻辣味咁la，完全對腥味花膠改觀，咁花膠美顏㗎嘛，無腥味就完全唔抗拒la，就係咁開始咗耐唔耐經過就去食下！花膠真係好大塊！入口軟淋淋加少少彈牙，最緊要係零腥味，同樣地塊花膠無咩味道，嗌咩湯底就係咩味咁la車仔麵餸種類都幾多，不過我以前好鐘意食嘅黃金炸蝦卷依家要+$2，依樣都超級推介大家試下，我今次想食菜所以無叫到依到d蠔皇花菇好入味，不過今次細粒咗d，之前食開好多次都大粒㗎，可能咁啱今日細粒la，但味道一樣好味！記得要落枱面樽烈火菜脯，真係幾辣，又辣得惹味。以前有唔辣菜脯，問咗侍應話依家無咗變咗炸蔥油，落咗一羹試下湯底即刻好香，鐘意蔥味可以試下。依到d菜鋪可以買返屋企㗎！