Video
Read full review
2023-10-20
131 views
台灣食身總係令人念念不忘同好掛住🥰呢間台灣火鍋放題任食就足夠令大家回味台灣小食、飲品同甜品。一個價錢食盡咁多野真係夠晒抵😎✨SET B極上牛牛翼板套餐💰($268/90分鐘.$298/120分鐘；小童及長者各平$80)火鍋湯底總共有9款可以選擇！今次揀咗台灣惹味沙茶湯同芝士牛奶鍋。前者入面有大量蒜頭，洋蔥等做湯底，沙茶味好濃。後者芝士牛奶好特別，係濃濃嘅牛奶味中又帶啲芝士味😚火鍋配料都超過30款任拎！雪櫃出晒煙，確保配料夠凍！最深刻印象就係芋頭丸、米血糕同埋麻吉。呢幾樣平時係出面火鍋店比較少見😗除咗配料之外仲有多達9款台式小食，最鍾意食鹽酥雞、花枝丸同埋榴連炸雞！每款都即叫即炸，咬開榴彈炸彈啲醬仲流晒出黎，好邪惡🤤套餐包咗六款肉類。當中最吸引嘅肉就係極上牛翼板。肉嘅紋理就已經好靚，食落唔韌又好有牛味。另外日本鹿兒島茶美豚梅肉塊塊都好大塊，好有肉味😋飲品就比起其他火鍋店好唔同喇！平時汽水，紙包飲品就飲得多。呢到就係一杯杯即叫即整嘅手搖飲品，有最常見嘅珍珠奶茶到乳酸梳打都有，多達20款任飲！嗌咗冬瓜茶、芋圓圓奶茶同鳳梨乳酸梳打，杯杯都好足料，同平時出面嘅手搖杯不相伯仲🤩最後仲有多達11款，
✨SET B極上牛牛翼板套餐
💰($268/90分鐘.$298/120分鐘；小童及長者各平$80)
火鍋湯底總共有9款可以選擇！今次揀咗台灣惹味沙茶湯同芝士牛奶鍋。前者入面有大量蒜頭，洋蔥等做湯底，沙茶味好濃。後者芝士牛奶好特別，係濃濃嘅牛奶味中又帶啲芝士味😚
火鍋配料都超過30款任拎！雪櫃出晒煙，確保配料夠凍！最深刻印象就係芋頭丸、米血糕同埋麻吉。呢幾樣平時係出面火鍋店比較少見😗
除咗配料之外仲有多達9款台式小食，最鍾意食鹽酥雞、花枝丸同埋榴連炸雞！每款都即叫即炸，咬開榴彈炸彈啲醬仲流晒出黎，好邪惡🤤
套餐包咗六款肉類。當中最吸引嘅肉就係極上牛翼板。肉嘅紋理就已經好靚，食落唔韌又好有牛味。另外日本鹿兒島茶美豚梅肉塊塊都好大塊，好有肉味😋
飲品就比起其他火鍋店好唔同喇！平時汽水，紙包飲品就飲得多。呢到就係一杯杯即叫即整嘅手搖飲品，有最常見嘅珍珠奶茶到乳酸梳打都有，多達20款任飲！嗌咗冬瓜茶、芋圓圓奶茶同鳳梨乳酸梳打，杯杯都好足料，同平時出面嘅手搖杯不相伯仲🤩
最後仲有多達11款，有窩夫、雪花冰、仙草凍等。太飽關係正係食咗窩夫，窩夫鬆軟好有奶同蛋味。另外仲有每人限叫一款雪糕，食完真係大滿足😍
————————————————————————
💰加一：✔️
⏰限時：90/120分鐘 (晚市)
Post
