Video
Read full review
2023-09-01
66 views
季節限定割烹料理 ($780)呢個set只限星期五、六、日晚市供應，係一款比較抵食嘅套餐嚟，大家唔好錯過呀😋花膠果凍用咗和風醬汁，帶少少甜味，花膠咬落彈牙，口感好得意😝和牛他他配富士蘋果絲和牛他他撈埋蘋果絲一齊食，鮮味中帶點甜味，好好食🤤季節刺身三點> 蝶魚捲海膽伴飛魚子蝶魚好滑😍包實海膽一齊食，鮮味同時爆發🤩海膽嘅鮮甜係口腔不斷徘徊，再加上飛魚子增加口感，對味蕾嘅衝擊更強烈，正！🥰> 吞拿魚(赤身及拖羅)赤身比較瘦，呈鮮紅色，顏色望落都幾靚，食落帶有鮮味；相反拖羅比較肥美，油脂感滿滿😍咬落口感好soft，個人都係偏愛肥膩野多啲🤣> 灸燒金目鯛灸燒過嘅金目鯛，魚油盡出😍燒過嘅邊位帶小小脆感及香氣，慢慢再喺口中感受金目鯛嘅鮮味肉質🥰鰻魚汁醬燒白鱔呢道菜配鰻魚燒汁，口感味道食落都有小小似鰻魚🤣食落好香🥰外層脆脆地，咬落去肉質口感彈牙，不過要小心有細骨～海老丸野菜煮呢道菜用自家製嘅蝦丸、大根、甘荀、蟹肉烹煮而成，蝦丸咬落口感彈牙，蟹肉鮮甜、好重蟹味😍經過烹調吸收醬汁後，蝦丸、大根同甘荀都好鮮甜😋A5和牛壽喜燒呢款和牛係用咗姬路嘅和牛西冷😍店員介紹呢款和牛係放牧飼養，可
季節限定割烹料理 ($780)呢個set只限星期五、六、日晚市供應，係一款比較抵食嘅套餐嚟，大家唔好錯過呀😋
花膠果凍
2 views
0 likes
0 comments
花膠果凍
用咗和風醬汁，帶少少甜味，花膠咬落彈牙，口感好得意😝
和牛他他配富士蘋果絲
和牛他他撈埋蘋果絲一齊食，鮮味中帶點甜味，好好食🤤
季節刺身三點
> 蝶魚捲海膽伴飛魚子
蝶魚好滑😍包實海膽一齊食，鮮味同時爆發🤩海膽嘅鮮甜係口腔不斷徘徊，再加上飛魚子增加口感，對味蕾嘅衝擊更強烈，正！🥰
> 吞拿魚(赤身及拖羅)
赤身比較瘦，呈鮮紅色，顏色望落都幾靚，食落帶有鮮味；相反拖羅比較肥美，油脂感滿滿😍咬落口感好soft，個人都係偏愛肥膩野多啲🤣
> 灸燒金目鯛
灸燒過嘅金目鯛，魚油盡出😍燒過嘅邊位帶小小脆感及香氣，慢慢再喺口中感受金目鯛嘅鮮味肉質🥰
鰻魚汁醬燒白鱔
呢道菜配鰻魚燒汁，口感味道食落都有小小似鰻魚🤣食落好香🥰外層脆脆地，咬落去肉質口感彈牙，不過要小心有細骨～
海老丸野菜煮
呢道菜用自家製嘅蝦丸、大根、甘荀、蟹肉烹煮而成，蝦丸咬落口感彈牙，蟹肉鮮甜、好重蟹味😍經過烹調吸收醬汁後，蝦丸、大根同甘荀都好鮮甜😋
A5和牛壽喜燒
呢款和牛係用咗姬路嘅和牛西冷😍店員介紹呢款和牛係放牧飼養，可以保留返肉味，食落都無咁膩～試完之後都好同意，和牛食落唔覺膩之餘，仲帶點鮮甜，配埋日本無菌蛋一齊食，滑溜之餘又有蛋香🥰
蟹黃磯煮鮑魚伴日本花山烏冬
蟹黃蟹肉份量好多🤩
用上大閘蟹蟹黃，混合毛蟹同阿拉斯加蟹肉，味道唔會太鹹，反而蟹味香濃同時滲透鮮甜味！蟹肉吸收晒蟹黃醬汁，好正🥰而磯煮鮑魚係以醬油昆布慢火炆煮，鎖住湯汁之餘，肉質仲好鮮嫩彈牙👍🏻
之前喺日本唔夠時間食花山烏冬🥹呢度補返數！
花山烏冬有別於一般烏冬，係一款寬五公分嘅烏龍麵嚟，今次都係第一次食到😆將花山烏冬撈落蟹黃一齊食，吸收晒蟹黃汁嘅精華，麵條食落滑溜爽口又多汁🤤好幸福呀！🤍
鯛魚湯
2 views
0 likes
0 comments
鯛魚湯
魚味濃郁超鮮甜！
豆腐雪糕及黑芝麻雪糕
最愛豆腐雪糕😋大滿足！
Post
