雲石小姐

Open Now

Now Closed

【特輯】【雲石小姐 蛋糕】同一位好同事喺公司冇乜交集，但係喺飲食界就經歷咗好多嘢，佢終於都要離開去一個更好嘅地方生活。我喺度都含住泡眼淚，祝佢鵬程萬里、一路順風。不過祝福呢家嘢齋噏唔做嘢就未免太港鐵新動力，所以整個蛋糕賀佢。近排見雲石小姐（Miss Marble）啲蛋糕勁多朋友介紹，所以我都喺佢哋度訂咗個 6 吋嘅「仙人掌跳舞蛋糕」，價錢係 $699，聽講市區送貨上門都係加 $100 左右，不過我窮就唯有門市自取啦。嘩，去到仲要等一等，好好生意。去到打開個蛋糕係勁靚，同事勁滿意、勁感動、開心，隻仙人掌仲可以撳個掣就唱歌跳舞，好玩又好笑。切嚟食啦，佢裡面蛋糕底我訂咗係「Twinnings 伯爵茶戚風蛋糕」，相當柔軟綿滑，原來加咗水同植物菜油令空氣感加強。而佢複雜嘅做法係可以令蛋糕組織同濕度改善，使口感蓬鬆同濕潤，軟綿綿嘅效果就出晒嚟。而且佢哋採取低糖烘焙，同埋採用高級低筋麵粉、高級比利時朱古力嚟做原材料，相當具有實力。大家都食到依依不捨，嫌試得太少啊。。。（地址：尖沙咀柯士甸路15B號嘉華大廈A座地下A1號舖）@missmarble.hk#1amfoodie #foodie #hkfoo