Video
Read full review
2023-11-22
481 views
【珀麗灣Oma’s Kitchen ｜🏝️小島浪漫減壓隨意門🥰🥰🫶🏻】生活壓力太大，城市急促嘅步伐有時令人焦慮不安，想放工後輕鬆下cheer up自己！海灘+夜景+晚餐…….💡我諗到喇！去馬灣食飯！就係葵芳新都會廣場旁邊乘坐專車，25分鐘就到，好似隨意門方便。葵芳及青衣有巴士，荃灣、中環仲可以乘船到馬灣，又可以乘的士前往，行幾分鐘就到咗珀麗灣。我係葵芳新都會廣場上珀麗灣專車，短短二十五分鐘左右就去到舒服寧靜嘅珀麗灣商場，好有小島度假感覺，最緊要係望住好靚嘅青馬大橋，同遼闊的海灘。食咗咩🇩🇪德國烤豬腿薯蓉+五式香腸拼盤配薯餅德國腸多款式又好食再加埋德國名物烤豬腿，好豐富勁大碟，腸仔口味多總有一款啱你，豬腿由廚師細心地起肉預切件，免卻咗切開嘅煩惱，燒得金黃又唔油，豬皮好脆口，超滿意，配啤酒最夾👍🏻薯餅喜出望外嘅好食，一條條分明嘅薯仔絲，幼身得嚟好爽口，有衝動想追加！..🇩🇪魷魚圈同樣炸得金黃出色，外脆香口，魷魚煙煙韌韌，點茄汁食食得好開心！..🇩🇪1664 Blanc｜Erdinger Weißbier 1664嘅果香，好啱女仔飲。Erdinger小麥黑啤，啤嘅香味出嚟。餐廳有室內室外兩大部
生活壓力太大，城市急促嘅步伐有時令人焦慮不安，想放工後輕鬆下cheer up自己！海灘+夜景+晚餐…….
💡我諗到喇！去馬灣食飯！就係葵芳新都會廣場旁邊乘坐專車，25分鐘就到，好似隨意門方便。
葵芳及青衣有巴士，荃灣、中環仲可以乘船到馬灣，又可以乘的士前往，行幾分鐘就到咗珀麗灣。
我係葵芳新都會廣場上珀麗灣專車，短短二十五分鐘左右就去到舒服寧靜嘅珀麗灣商場，好有小島度假感覺，最緊要係望住好靚嘅青馬大橋，同遼闊的海灘。
食咗咩
🇩🇪德國烤豬腿薯蓉+五式香腸拼盤配薯餅
德國腸多款式又好食再加埋德國名物烤豬腿，好豐富勁大碟，腸仔口味多總有一款啱你，豬腿由廚師細心地起肉預切件，免卻咗切開嘅煩惱，燒得金黃又唔油，豬皮好脆口，超滿意，配啤酒最夾👍🏻薯餅喜出望外嘅好食，一條條分明嘅薯仔絲，幼身得嚟好爽口，有衝動想追加！
..
🇩🇪魷魚圈
同樣炸得金黃出色，外脆香口，魷魚煙煙韌韌，點茄汁食食得好開心！
.
.
🇩🇪1664 Blanc｜Erdinger Weißbier
1664嘅果香，好啱女仔飲。
Erdinger小麥黑啤，啤嘅香味出嚟。
餐廳有室內室外兩大部分，我想近距離接觸到海灘，所以揀咗戶外，其實都係有蓋位置嚟，但真係無阻擋地與靚景共晉晚餐。
生活上、工作上我係需要近距離接觸受情緒影響嘅人及不同程度嘅SEN學童及學生家長，提供訓練及輔導，有機會去也盡力為佢哋平權、發聲，甚至向社區人士傳遞多啲概念，多一份諒解及包容非常重要。
望住大海🌊好似俾到我自己一份鼓勵，btw,呢度真係好靚好浪漫呀！期望下次再嚟！
#馬灣 #馬灣餐廳 #馬灣美食 #海景餐廳 #夜景餐廳 #挪亞方舟 #omaskitchen #珀麗灣 #海灘 #行沙灘 #香港
Post
