龍記燒味茶餐廳

Open Now

Now Closed

平日上環返工偶爾食茶記都會諗起龍記，基本上每次都係叫佢嘅常餐，老實講食物方面其實呢間茶餐廳都係中規中矩，唔係話真係好難食，特別平時常餐配有丹麥多士，呢個價錢嚟講算係幾出色。我其他同事有時就會叫午餐嘅五寶飯，有時仲會包埋乳豬，呢個五寶飯喺我同事嘅圈子入面都算受歡迎，份量都非常充足。但環境方面確實有好多需要改善嘅地方，地板經常都非常油膩，餐桌下面陰暗位仲曾經發現大量曱甴屍體，非常影響食慾。但整體嚟講佢喺上環都真係算平嘅一間，午餐時段依然都係會好多人食，但真係只係可以追求飽肚，而唔係追求美味嘅地方。