甜入心 (好運中心) (Closed)

🥢 沙田講起甜品，可能大部分人會不停數雪糕，gelato…但係其實沙田都有一間個名好sweet嘅迷你糖水店，唔係住開沙田可能真係搵唔到佢⏳ 上菜速度幾快，而且睇賣相都唔hea，有花心思擺盤 ✨ 丸丸不忙裏面有芒果肉，芒果沙冰，小丸子，芋圓，西米，夏日炎炎第一啖食落去真係透心涼，芒果沙冰好fresh，好夠甜，芒果肉切得好薄，果肉好甜，配埋小丸子，芋圓煙煙韌韌嘅口感，越咬越過癮！✨ 花之戀人呢個甜品係店舖推介，第一眼見到龍眼沙冰就好有衝動去order，因為用龍眼做主題嘅甜品特別少有，除咗龍眼味嘅沙冰，仲有嘅龍眼果肉，其他配料例如芋圓珍珠，底部仲有 一層透心涼嘅豆腐花，互相配合突出沙冰濃厚嘅龍眼味