芝心糖人街 (Closed)

嚟九龍城揾食，除咗泰國菜之外，最近又多個新蒲點—芝心糖人街，聽個名都知道係芝士控嘅天堂！ 芝士蛋白流心吐司: 厚厚嘅豐盈蛋白，外型十足舊雲，上面鋪滿芝士同粟米，輕輕一切，蛋黃破雲而出，場面震撼到要發出震撼性嘅聲音！吐司烘得鬆脆，充滿濃濃嘅牛油香味，吐司完全吸收哂蛋黃汁、粟米嘅甜味，堅係好味！隨著紫薯熱嘅漫延，紫薯已達到無所不在嘅地步啦！黃色同紫色喺色譜上係對立，但當金黃色嘅薯餅遇上紫薯，卻產生化學作用，成為Perfect match! 紫薯薯餅: 薯餅表面炸得香脆，內裡紫薯味芳香濃郁，原粒栗子為薯餅增加口感，同時中和紫薯嘅甜味，紫薯控必食之選！