燒烤堂

Open Now

Now Closed

今日去咗荃灣一間叫「燒烤堂」嘅餐廳食晚餐，燒烤堂喺香港有好多間分店，今次去咗荃灣呢一間嘅質素都仍然保持到水準，晚市時間座無虛席，大家記得預先訂位，餐廳採用紙張形式落單，分咗第一次落單同加單兩行，而且每上一碟菜都會即時記低，令客人清楚邊一碟已經上咗菜。🍊鹽燒A4宮崎和牛和牛咬落去有口感，重油脂感🍊中切鹽燒牛舌芯牛舌心爽口彈牙🍊豚肉日本蘋果卷豚肉薄身，蘋果肉燒完後更加甜，夾埋一齊食清新嘅口感，中和串燒嘅油膩🍊蒜蓉菜圃燒豆皮外層係燒腐皮，入面包住蒜蓉、孜然同菜圃嘅餡料，但有少少辣味，整體味道偏濃🍊厚切鹽燒牛舌拖羅牛舌拖羅屬於牛舌比較肥美嘅部份，口感幼嫩，燒完都唔會韌🍊 鹽燒豚肉荔枝卷豚肉薄身，荔枝清甜多汁🍊蒜蓉燒廣島蠔非常重蒜蓉味，廣島蠔唔會燒到太乾身🍊味醂魚干魚干唔會燒得太乾身，咬落去有口感🍊日式燒白鱔日式燒汁帶有少少甜味，白鱔皮燒到好脆，白鱔魚肉肥美🍊汁燒免治雞肉軟骨棒免治雞肉棒外脆內軟，中間帶有少許軟骨，頗有口感，配埋豉油同生蛋黃汁一齊食好夾🍊西班牙豬腩肉豚肉口感結實，豬腩肉唔算太肥膩🍊雞皮墨魚滑非常有創意嘅一個燒物，非常薄身嘅雞皮燒到好脆口，包住彈牙嘅墨魚滑，整體口感層次豐富，表面灑