漁樂場

Open Now

Now Closed

今次嚟到位於荃灣嘅漁樂場，餐廳以馬戲團裝潢為主題，場內燈光璀璨閃爍，五光十色，充滿活力嘅感覺。餐廳環境舒適寬敞，而且有駐埸歌手現場表演，可以一邊享受美食一邊聽live Music ，氣氛一流，適合同朋友們聚會嘅好地方。老壇酸菜魚酸菜魚嘅湯汁濃香夠熱，酸辣可口，麻中帶辣，魚片嘅口感滑溜，大件厚身，份量豐富；配料蓮藕、寬粉、萵筍、大豆芽同酸菜湯汁融合，味道酸酸辣辣，口感豐富。趣脆牛肉粒牛肉粒燒至焦香內嫩，牛肉味濃，保留住豐富嘅肉汁，好Juicy，咬落爽口，另外配上酥炸嘅脆片一齊食，香脆可口。燒大大茄子燒茄子外皮焦脆，內裹多汁，口感軟嫩，蔥花同蒜蓉味滲入喺茄子之中，蒜香味濃郁，好惹味。五花腩五花腩串燒燒至金黃色，肉質爽口，保持住豐富嘅肉汁，好惹味，五花腩肉肥瘦相間，食落帶有油脂香。超級水果茶超級水果茶，材料豐富，有百香果、西瓜、菠蘿、檸檬同埋哈蜜瓜等。茶味甘香微澀，配上咁多種新鮮水果，清爽解渴，中和油膩感。蔗汁銀菊啤中西合璧嘅啤酒，啤酒經過三重澄釀工序釀造，之後加入本地品牌公利甘蔗，入口清新細膩，容易入口，散發出銀菊花同埋菊花幽香，味道清甜，口感清爽，仲可以下火清熱氣，係名副其實嘅鬼佬涼茶。