醉藥雞 (啟志樓) (Closed)

【荃灣區】【醉藥雞】約咗一位未來老細食飯，講開呢餐飯都認真難約，大家都係忙友。屋漏兼逢連夜雨，我仲要唔知醒攪到遲到，真係醜。但係我哋一見到面就會講唔停，大家喺呢個香港裡面，都好難搵到有人識欣賞生活之美，梗係把握住啦。呢間佢介紹嘅，就梗係佢發辦，叫咗個 $128 嘅「砂鍋雞湯翅」，首先係個雞湯又濃又香，非常好飲。啲雞份量夠晒足，絕對對得住個價錢。而啲翅我就平時好少食，唔太識欣賞，仲有少少金華火腿粒，成件事做得幾好。之後叫咗個 $68 嘅「砂鍋胡椒豬肚雞米線」，係好似新加坡式肉骨茶嘅胡椒豬肚，整得都唔錯，當然期間我哋又狂吹新加坡經，佢被我導咗入坑，笑死。總體嚟講呢碗都係佢食得多，而佢都話呢碗嘢幾好，大家口味都相近。跟住係佢大力推薦嘅「醉鵪鶉蛋」，$36 一碟都唔平，不過又真係醃到入晒味，會攪到人忍唔住狂啪鵪鶉蛋，勁邪惡。飲品我飲 $8 嘅「豆漿」，佢飲 $9 嘅「芬達」，餐飯夾埋 $239，食呢啲嘢嚟講，我覺得係唔貴，可以再戰。。。（地址：荃灣路德圍8號啟志樓地舖）#1amfoodie #foodie #hkfoodie #thatfoodiething #hkfood #food #in