韓閣 (富裕樓) (Closed)

好耐冇食韓國菜，前排就試左位於荃灣地鐵站附近嘅一間韓國餐廳，餐廳提供各式韓國料理，包括多款特色小食，好啱一家人或者幾個朋友一齊黎食👍‣ 紫菜肉鬆蛋卷($68)賣相幾吸引，蛋卷口感軟熟，中間夾雜蔥花，配埋紫菜肉鬆一齊食落，味道唔錯😋，而且份量都唔細！‣ 芝士銀絲煎餅($82)賣相同樣唔錯，大大塊煎餅煎到好香😍，食落口感軟糯，芝士味幾香，配埋沙律醬食落味道唔錯👍‣ 炸雞半份甜辣味($118) 炸雞賣相都ok，炸得唔會太老，肉質幾嫩滑，配埋甜辣醬食落味道幾正☺️，半份嘅份量都唔細，總體質素都唔錯‣ 炸韓式餃子($20) 餃子炸到幾脆，食落幾香口，餡料有粉絲雜菜，味道都唔錯😋‣ 牛骨清湯($8)例湯，海帶份量都唔少，味道都ok 💭 C͟o͟n͟c͟l͟u͟s͟i͟o͟n͟餐廳雖然開業多年，環境企理，晚市時段要等位，睇得出都幾受歡迎，服務態度亦唔錯，上菜幾快，性價比幾高👍💰Total: $296 ($148/pp 無服務費)📍韓閣｜@korean_loft_cafe荃灣青山公路275號富裕樓地下G4-6號舖 （到訪分店）將軍澳欣景路8號新都城中心2期1015號舖黃大仙龍翔道136號黃大仙中心北館地下G06E-G06G