Video
Read full review
2023-07-23
765 views
中環蘇豪區西班牙菜餐廳El Cerdo深受歡迎，今次去咗位於荃灣大壩街嘅分店，雖然大壩街美食雲集，但講到最特別都係呢間嘅西班牙菜。El Cerdo裝橫氛圍感十足，充滿西班牙異國風情，適合情侶去浪漫晚餐，享受一餐豐盛嘅西班牙菜。Fideuá de Tinta de Calamar傳統墨魚汁大蝦炒幼麵，幾有特色，因為平時食西班牙菜多數食西班牙海鮮飯。炒幼麵嘅質感類似米粉，麵質比較短身，幼麵相當掛墨魚汁，帶出墨魚汁嘅鮮味，仲加入蒜、胡椒同埋高湯去炒，好有香味，爽口特別，再加上彈牙嘅新鮮大蝦同埋魷魚Croquetas de Jamon Iberico炸黑毛豬火腿球，西班牙菜當然唔少得黑毛豬火腿，炸球外層炸至香脆，內裹好足料，有黑毛豬火腿粒，油香好重，鹹香味十足。lberian Ham Croquetas墨魚汁炸海鮮球，外層同樣炸得香脆，內餡由黑色墨魚汁製成，墨魚汁味濃郁。Patatas Bravas炸薯仔佐地道蛋黃醬，以黑毛豬嘅火腿粒加上薯仔、忌廉等嘅配料製成，經油炸後嘅薯仔外脆內軟，外皮金黄香脆，外皮加咗紅椒粉味道辣辣地，再配上蔥花、蛋黃醬，味道多種層次，甜甜辣辣，好開胃。Pan con T
中環蘇豪區西班牙菜餐廳El Cerdo深受歡迎，今次去咗位於荃灣大壩街嘅分店，雖然大壩街美食雲集，但講到最特別都係呢間嘅西班牙菜。El Cerdo裝橫氛圍感十足，充滿西班牙異國風情，適合情侶去浪漫晚餐，享受一餐豐盛嘅西班牙菜。
Fideuá de Tinta de Calamar
傳統墨魚汁大蝦炒幼麵，幾有特色，因為平時食西班牙菜多數食西班牙海鮮飯。炒幼麵嘅質感類似米粉，麵質比較短身，幼麵相當掛墨魚汁，帶出墨魚汁嘅鮮味，仲加入蒜、胡椒同埋高湯去炒，好有香味，爽口特別，再加上彈牙嘅新鮮大蝦同埋魷魚
Croquetas de Jamon Iberico
炸黑毛豬火腿球，西班牙菜當然唔少得黑毛豬火腿，炸球外層炸至香脆，內裹好足料，有黑毛豬火腿粒，油香好重，鹹香味十足。
lberian Ham Croquetas
墨魚汁炸海鮮球，外層同樣炸得香脆，內餡由黑色墨魚汁製成，墨魚汁味濃郁。
Patatas Bravas
炸薯仔佐地道蛋黃醬，以黑毛豬嘅火腿粒加上薯仔、忌廉等嘅配料製成，經油炸後嘅薯仔外脆內軟，外皮金黄香脆，外皮加咗紅椒粉味道辣辣地，再配上蔥花、蛋黃醬，味道多種層次，甜甜辣辣，好開胃。
Pan con Tomate
鮮蕃茄蓉焗法包，西班牙常見嘅菜式，面層鮮茄蓉份量幾多，番茄帶有甜酸味，令人食指大動，下面嘅法包薄身，口感香脆，仲帶有橄欖油嘅香氣。
Daily Soup
是日餐湯係紅菜頭湯，紅菜頭係西班牙喜愛使用嘅食材之一，亦係高纖維食材，味道甘甜，有天然嘅感覺，素食者一定鍾意，一杯即可補充每日所需維他命攝取量，好健康。
Churros with Nutella
香脆玉桂條配榛子朱古力醬，玉桂條外層炸至金黃酥脆，外層沾滿砂糖，味道微甜，內裏鬆軟，配上Nutella榛子朱古力醬，好邪惡。最後嘅肉桂條甜品為今次晚餐畫上完美句號，好幸福。
Post
