Video
Read full review
2024-07-17
186 views
小編今日嚟到荃灣，聽講有一間雞湯麵店有一蚊鮑魚食，貪小便宜嘅小編，當然唔會錯過！➡️ 砂鍋醉藥雞$68熱辣辣嘅砂煲，上枱嘅時候仲滾緊。一飲落去已經飲到好濃嘅雞味同酒香味，味道好濃郁，餘韻帶甜，配埋米線食啱啱好。另外仲有其他配料：雲耳、紅棗等，感覺上好滋陰。雞件幾有驚喜，除咗係髀位，肉質都唔錯。唔老唔嚡不在話下，仲有啲彈性。小編食過咁多間雞湯米，呢間算認真唔錯。味道：8.5/10➡️ 砂鍋人蔘雞$68一樣用砂鍋上，湯夠晒滾。眼睇材料比較少，但就係多咗啲人參。味道仍雞味為主，之後會有微微嘅藥膳人參嘅苦味。層次會多咗，感覺都養生咗。小編揀咗刀削麵，麵身比較薄，略嫌唔夠煙韌彈牙。味道：8/10一蚊鮑 ＋$1貪小便宜嘅小編就係為呢個而嚟，一蚊其實都冇乜期望，佢質地唔硬唔韌，已經收貨。送埋麵一齊食，即刻覺得今餐豐富咗好多。味道：7.8/10溏心醉蛋 ＋$10呢個真係必叫，隻蛋流晒心之餘，醬汁亦都非常入味，蛋黃同酒香混埋一齊，非常好食。味道：8.2/10➡️ 醉乳鴿 $98估唔到店家都幾有誠意，擺盤砌返隻乳鴿出嚟。味道方面，小編一開始會覺得肉質好奇怪，因為小編食開燒乳鴿，肉質會有一定彈性。但呢個係非常之腍
小編今日嚟到荃灣，聽講有一間雞湯麵店有一蚊鮑魚食，貪小便宜嘅小編，當然唔會錯過！
➡️ 砂鍋醉藥雞$68
熱辣辣嘅砂煲，上枱嘅時候仲滾緊。一飲落去已經飲到好濃嘅雞味同酒香味，味道好濃郁，餘韻帶甜，配埋米線食啱啱好。另外仲有其他配料：雲耳、紅棗等，感覺上好滋陰。雞件幾有驚喜，除咗係髀位，肉質都唔錯。唔老唔嚡不在話下，仲有啲彈性。小編食過咁多間雞湯米，呢間算認真唔錯。
味道：8.5/10
➡️ 砂鍋人蔘雞$68
一樣用砂鍋上，湯夠晒滾。眼睇材料比較少，但就係多咗啲人參。味道仍雞味為主，之後會有微微嘅藥膳人參嘅苦味。層次會多咗，感覺都養生咗。小編揀咗刀削麵，麵身比較薄，略嫌唔夠煙韌彈牙。
味道：8/10
一蚊鮑 ＋$1
貪小便宜嘅小編就係為呢個而嚟，一蚊其實都冇乜期望，佢質地唔硬唔韌，已經收貨。送埋麵一齊食，即刻覺得今餐豐富咗好多。
味道：7.8/10
溏心醉蛋 ＋$10
呢個真係必叫，隻蛋流晒心之餘，醬汁亦都非常入味，蛋黃同酒香混埋一齊，非常好食。
味道：8.2/10
➡️ 醉乳鴿 $98
估唔到店家都幾有誠意，擺盤砌返隻乳鴿出嚟。味道方面，小編一開始會覺得肉質好奇怪，因為小編食開燒乳鴿，肉質會有一定彈性。但呢個係非常之腍，但食耐咗會慢慢習慣同欣賞。因為佢腍得嚟，可以令到啲汁可以滲入去啲肉到，令佢啖啖肉都係酒香同甜味。而且佢係冷盤，夏天食好清爽。
味道：7.9/10
➡️ 豆漿、烏龍茶各＋$8
環境：7.8/10
服務：7.8/10
抵食：8.3/10
醉藥雞 (啟志樓) (荃灣)
荃灣路德圍8號啟志樓地舖
#香港必食 #香港美食 #食評 #香港食評 #香港生活 #小紅書 #hkig #hkfood #hkfoodie #hkeat #tsuenwan #tsuenwanfood #荃灣 #荃灣美食 #好湯好水 #雞湯 #街坊小店 #醉雞 #米線 #粉麵 #人蔘雞 #chickenbroth #noodle #ricenoodle #drunkenchicken #alchohol
Post
