Simplylife Bakery Cafe (Closed)

【葵青區】【Simplylife Bakery Cafe】同朋友嚟葵芳食飯，其實都唔知食乜好，諗咗好多間都好似唔係好啱食咁。咁就不如回歸本源，簡簡單單食返啲集團式經營嘅嘢算。呢間屬於美心集團嘅西餐不嬲都係穩陣嘅，而佢哋嘅果茶亦都係啲我唔需要多諗就會點嘅嘢。我哋入到去都係食晚餐嘅，而加 $38 係可以「令晚餐更圓滿」，其實就即係套餐啦。除咗我哋都飲嘅「本季限定冰茶」叫咗做餐飲之外，仲可以揀「沙律」或「是日餐湯」，我哋覺得兩者都係唔錯嘅選擇，做前菜開吓胃咁。另外仲有「餐包」供應，始終呢度有自己做麵包，質素係有保證。朋友食 $138 嘅「慢煮牛豬肉碎手製闊條麵」，睇個樣都幾大碟幾惹味。我偷咗幾條嚟食，覺得同一般喺餐廳食到嘅肉醬意粉冇乜分別，只係佢個麵好食啲。我就食 $248 嘅「加拿大天然豬鞍架」配奶油瓜蓉、燒青黃瓜、牛油松子，豬味幾夠，好香，幾好食。而呢餐飯加埋一之後嘅埋單價係 $508.2，又好似有啲唔值咁嘅價錢。可能我將餐飯嘅重點放咗喺餐包同冰茶度，得呢兩樣抵。。。（地址：葵芳興芳路223號新都會廣場5樓547-565號舖）#1amfoodie #foodie #hkfoodie #h