Video
Read full review
2022-10-09
464 views
3年多前曾經來過Granada by JW食過午餐，印象非常唔錯！最近再訪，更加覺得食物質素大大提升咗去next level，有好多道菜式都有wow factors，好有驚喜！無論服務定食物質素都媲美城中好多星星餐廳，性價比超高！晚上有5道菜嘅Tasting menu ：水牛芝士•蕃茄沙律水牛芝士蕃茄沙律好有誠意！用上幾款新鮮番茄，番茄酸甜有致，香甜多汁，奶香清爽嘅水牛芝士化身可愛嘅小圓球，配搭青瓜、西芹、柚子製成嘅油醋汁，味道及風味都好有層次！食過酸種麵包後，就輪到第二道菜啦！燒北海道帶子•白露筍•古魚汁北海道帶子燒至半生熟，肉質柔軟，重點係獨家秘製嘅古魚醬汁。大廚介紹呢種北歐醬汁以穀物及咖啡發酵後再加入海鮮高湯，好似魚露咁帶有鹹香但又唔會濃烈到搶走海鮮鮮味！配菜嘅白蘆筍亦花過心思，發酵過嘅白蘆筍似唔辣嘅韓式泡菜，口感特別！燒雅枝竹•火腿•黄油菌醬燒雅枝竹本身味道較淡，配上鹹香嘅24個月風乾火腿，creamy惹味嘅黄油菌醬，立即令整個菜式昇華！煎日曬宮城牡蠣•芹根•魚子醬煎日曬宮城牡蠣•芹根•魚子醬同額外加點嘅燉南非大鮑魚係成晚嘅MVP，完全係驚艷！宮城牡蠣經過一日日曬，味道好似金蠔
晚上有5道菜嘅Tasting menu ：
水牛芝士•蕃茄沙律
水牛芝士蕃茄沙律好有誠意！用上幾款新鮮番茄，番茄酸甜有致，香甜多汁，奶香清爽嘅水牛芝士化身可愛嘅小圓球，配搭青瓜、西芹、柚子製成嘅油醋汁，味道及風味都好有層次！
食過酸種麵包後，就輪到第二道菜啦！
燒北海道帶子•白露筍•古魚汁
北海道帶子燒至半生熟，肉質柔軟，重點係獨家秘製嘅古魚醬汁。大廚介紹呢種北歐醬汁以穀物及咖啡發酵後再加入海鮮高湯，好似魚露咁帶有鹹香但又唔會濃烈到搶走海鮮鮮味！配菜嘅白蘆筍亦花過心思，發酵過嘅白蘆筍似唔辣嘅韓式泡菜，口感特別！
燒雅枝竹•火腿•黄油菌醬
燒雅枝竹本身味道較淡，配上鹹香嘅24個月風乾火腿，creamy惹味嘅黄油菌醬，立即令整個菜式昇華！
煎日曬宮城牡蠣•芹根•魚子醬
煎日曬宮城牡蠣•芹根•魚子醬同額外加點嘅燉南非大鮑魚係成晚嘅MVP，完全係驚艷！宮城牡蠣經過一日日曬，味道好似金蠔咁濃縮，但肉質又唔會話好似蠔豉咁乾身，食落依然濕潤軟熟。醬汁用上魚乾、乾瑤柱、海鮮、芹菜根部及日本長芋打成醬汁，再同矜貴嘅魚子醬一齊食，鮮味在口腔內迸發！
燉南非大鮑魚•鮑肝芝士汁
燉南非大鮑魚採用中式炆燉方法，用瑤柱雞湯熬煮至軟腍入味，本身已經鮮味突出，沾上甘香幼滑嘅鮑魚肝醬，鮮味加倍！我特別欣賞大廚加咗少許wasabi同芝士喺醬汁之中，中西日食材及煮法嘅碰撞，為燉鮑魚帶來全新嘅味覺體驗！
燉日本八爪魚•酱油煙肉汁
燉日本八爪魚都係額外加點。八爪魚口感軟腍，鹹鹹地嘅煙肉汁味道新鮮！
主菜（5選1）：
焗智利白鳕魚•香檳汁
主菜繼續精彩！焗智利白鳕魚肉質結實，嫩滑細膩，油份適中。面頭鋪上薯仔薄片，賣相精緻，香檳汁嘅酒香令魚味更為突出！配菜嘅粟米仔用上藍莓汁醃過，真係佩服大廚嘅心思！
燒澳洲M4和牛臀肉蓋
燒澳洲M4和牛臀肉蓋生熟度控制得恰到好處，外面焦脆，內裡粉紅色嘅肉質超吸引！Picanha肉質幼嫩，肉味越嚼越濃郁，好濃牛味，牛魔王必試！
甜品：
肉桂蘋果乳酪蛋糕（+$68)
甜品有肉桂蘋果乳酪蛋糕，蛋糕口感軟滑，帶有蘋果清甜及淡淡肉桂香，配杯高質嘅hand drip，圓滿嘅一餐！
雖然小店係一人廚房，但每道菜都食得出大廚Joe嘅心思，完全感受到對煮食滿滿嘅熱誠！小店嘅人情味服務都大大加分，每上一道菜Joe都會同我哋分享製作及準備過程，又會互相交流唔同嘅飲食甚至飲咖啡嘅心得，呢晚我都穫益良多！希望小店繼續努力，我哋已經期待緊換新menu後再嚟試新菜式呢！
PS. 有興趣記得提前訂座！
Post
