Video
Read full review
2023-07-17
51 views
上環收工後打算唔過海同朋友搵個地方食飯，留意到Openrice有呢間餐廳，去到發現原來係間偏隱蔽嘅小店，但入面又有好多款菜色，所以都同大家介紹一下。———————————————🌟CBC, crispy bacon cheese burger $88呢個Burger有好多層，入面除咗有牛、Bacon同芝士外仲有洋蔥、生菜同蕃茄，成個漢堡都漲卜卜。牛肉好多汁，味道都濃郁，Bacon係好大塊又好脆，好少會係出面餐廳見到。另外入面嘅蔬菜配料都值得一讚，全部都好新鮮，特別係個洋蔥，平時會有少少抗拒，但呢舊咬落超甜。唯一可惜係成個漢堡唔夠熱，如果再熱啲應該會好正。.🌟Poutine, Specialty Fries $48呢個係好特別嘅薯條，同我哋食開果種脆卜卜嘅唔一樣，上面會有大量醬汁同芝士係面，所以個薯條本身係偏腍身。食落其實有少少咸香，而且芝士味好濃，都係可惜個醬唔太夠熱，導致芝士好快凝固，如果唔係應該可以做到拉絲效果，但整體味道都係唔錯～.🌟Caesar Salad $78呢個我個人係好推薦，雖然好似係間間西餐廳都有，但呢度嘅絕對係唔一樣，上面除左有Bacon脆同麵包脆以外仲有橄欖粒同咸
上環收工後打算唔過海同朋友搵個地方食飯，留意到Openrice有呢間餐廳，去到發現原來係間偏隱蔽嘅小店，但入面又有好多款菜色，所以都同大家介紹一下。
———————————————
🌟CBC, crispy bacon cheese burger $88
呢個Burger有好多層，入面除咗有牛、Bacon同芝士外仲有洋蔥、生菜同蕃茄，成個漢堡都漲卜卜。牛肉好多汁，味道都濃郁，Bacon係好大塊又好脆，好少會係出面餐廳見到。另外入面嘅蔬菜配料都值得一讚，全部都好新鮮，特別係個洋蔥，平時會有少少抗拒，但呢舊咬落超甜。唯一可惜係成個漢堡唔夠熱，如果再熱啲應該會好正。
.
🌟Poutine, Specialty Fries $48
呢個係好特別嘅薯條，同我哋食開果種脆卜卜嘅唔一樣，上面會有大量醬汁同芝士係面，所以個薯條本身係偏腍身。食落其實有少少咸香，而且芝士味好濃，都係可惜個醬唔太夠熱，導致芝士好快凝固，如果唔係應該可以做到拉絲效果，但整體味道都係唔錯～
.
🌟Caesar Salad $78
呢個我個人係好推薦，雖然好似係間間西餐廳都有，但呢度嘅絕對係唔一樣，上面除左有Bacon脆同麵包脆以外仲有橄欖粒同咸魚，成個味道其實係更昇華。我個人本身都幾重口味，呢啲咁咸嘅配料再配上鮮甜嘅生菜真心好好味。
.
🌟Buffalo Wings (6ps) $68
呢個水牛城雞翼都同平時食開有少少唔同，平時食嘅係咸同辣味嘅組合，呢度反而係用BBQ醬連同Honey Garlic，整體味道會偏甜少少但我個人係鍾意呢個口味嘅，加上旁邊嘅白色醬汁有少少咸味再中和返就咁正。
.
🌟48 Hours Beef Stock Pho with M9 Wagyu with TABASCO Sriracha Sauce $88
牛肉食落味道都重，而且都有好多塊，個河粉底都ok。另外佢仲配有春卷，反而個春卷係好好味，入面食落好有口感，應該係加有芋頭條同蘿蔔條，食落好香好好食。
.
🌟BBQ Baby Pork Ribs with TABASCO Chipotle Pepper Sauce $168
呢個性價比都幾高，半條Pork Ribs都已經夠曬多，仲另外配有沙律薯條。佢個Ribs主要係個醬調得唔錯，BBQ sauce味好香再帶有少少甜味。
.
🌟Movenpick Milkshake $68
我哋總共叫咗兩杯分別係Bananarama 同Strawberry，香蕉果杯味道會稍為淡少少，但士多啤梨果杯係好好飲，入面會有好fresh果種士多啤梨味而唔係好假嘅果種，而且份量都滿意，連埋上面嘅Cream仲可以打埋卡😚
Post
