Video
Read full review
2025-02-03
22 views
【西貢區】【譽居】入咗去康城搵涼涼，順便食埋嘢。跟住落嚟要思考嘅就係康城究竟有咩食，之前入嚟參觀嗰陣食過佢哋一間日本嘢，冇乜感覺。涼涼就話呢間「譽居」可以，之前其實沙田第一城都有，不過我未食過，就食吓啦。入場就要畀 $10 位嘅「茗茶」，梗㗎喇。我好似叫咗壽眉，不過都冇乜感覺。嘢食就先嚟 $30 嘅「蜂巢芋角」，出面都比較少有，佢整得都唔差。之後到 $40 嘅「鮮菇魚肚炆雞」，味道平庸，冇特別之處。跟住嗰籠 $40 嘅「鮮蝦燒賣皇」算係好食嘅，只係好多地方都做到呢個好食程度，唔算突出。我幾期待 $28 嘅「蠔皇鮮竹卷」，本身就係鍾意食呢啲肥仔嘢，但係佢個餡唔算好食，真係好一般。追加咗 $34 嘅「上海小籠包」，層皮比較厚，都冇得要求太多，係咁上下味道。埋單加埋一 $200，又唔算勁過份嘅，涼涼話佢哋其他嘢好食過點心囉。。。（地址：將軍澳康城路1號The LOHAS康城2樓203號舖）
我好似叫咗壽眉，不過都冇乜感覺。嘢食就先嚟 $30 嘅「蜂巢芋角」，出面都比較少有，佢整得都唔差。之後到 $40 嘅「鮮菇魚肚炆雞」，味道平庸，冇特別之處。跟住嗰籠 $40 嘅「鮮蝦燒賣皇」算係好食嘅，只係好多地方都做到呢個好食程度，唔算突出。
我幾期待 $28 嘅「蠔皇鮮竹卷」，本身就係鍾意食呢啲肥仔嘢，但係佢個餡唔算好食，真係好一般。追加咗 $34 嘅「上海小籠包」，層皮比較厚，都冇得要求太多，係咁上下味道。埋單加埋一 $200，又唔算勁過份嘅，涼涼話佢哋其他嘢好食過點心囉。。。
（地址：將軍澳康城路1號The LOHAS康城2樓203號舖）
Post
