嗎哪餐廳

Open Now

Now Closed

天氣熱都要去，話說睇左新聞報道，我哋幾個都想支持下。同公司有段距離，都要行一段路，不過傾下傾下就到。店主一直以幫人嘅心去經營呢間餐廳，下午20元碟頭飯俾長者同學生，夜晚去派飯。而店員係有輕度弱智、戒毒人士同埋問題少年，係一間良心餐廳。絕對係良心價佢有咖啡賣，咖啡渣亦都pack好可以做自由奉獻。同事食嘅係原條煎魚配魚湯米線，68元。有生果同菜，而且個湯係真魚湯，成個餐係好抵，同事話係好食，即叫即整。雙層雞扒芝士漢堡配沙律薯條，58元。呢個有小小辣，但係同事接受到。係好食，薯條係粗個款，又唔會話得幾條。我嗰個係韓式厚蛋芝士吐司配豬扒，58元。唔係睇少，我都覺得自己係韓國。豬扒超juicy，成份好好味！俾大家睇下個蛋，好厚好soft，好完整，好好食！蜂蜜生薑茶，偶然一次覺得個人暖左啲健康啲。食完自行分類，將成份餐拎去回收處。