鰹烏冬 (Moved) New Location

係觀塘搵好嘢食真心難，又要避油煙，又要坐得好，又可以坐得多人。我有位朋友平時fb都係寫時事事件，突然po食物文，即刻click入去睇下。呢間叫鰹烏冬，將手造烏冬帶入，佢地weekend會開班教人整烏冬。我即刻提議同事去食，鋪頭唔多位，記得book定枱。有啲意外佢地唔係用ikea形式嘅檯同椅，係長形嘅枱，可以坐6個人個種。職員用心解說，海苔竹簾係冷烏冬，而且係限定，如果想試，記得book位個陣order埋。我地呢日想食熱烏冬，個魚湯好好飲，唔會咸，真係濃濃魚味。我就食咖哩，唔係甜咖哩，亦唔會太辣。好飽好滿意，再飲啖米茶，飽到放工。不過如果想試真啲個烏冬，我會建議食其他款。