Chroma Cafe + Kitchen (Closed)

當我哋太耐無得去旅行，唯有係食物上去填補一下。呢間未搬鋪之前我一直去試，但係都未有機會，今次近左，又剛新開，即去。用日本米，有驚喜，正！門口張枱仔有傳單，可以睇下啱唔啱先呢份係我比較早嘅時間去食，75元，按星期幾，每日有唔同。我發現係觀塘新開嘅餐廳實在太睇少觀塘返工嘅人，一放飯係爆多人，其實呢間餐廳已經好多位，但屬於早放個批嘅我表示趕得切有位。我食嘅係紅茶豚同埋紙藏雞槌，紅茶豚係要讚，味道幾特別，唔會好濃，肉味好出，而且都幾林。雞槌係乾左啲同上菜時已經凍哂。朋友其中一個餸係藜麥南瓜煮，佢話食左呢個好味同好飽。