東喜茶 (Closed)

公司附近其實一直都無乜嘢飲，如果稍為好啲，都要行到去apm，選擇亦唔多。之前去廣州個陣已經飲過喜茶，好彩只係半個鐘已經飲到，係幾特別幾好飲，不過佢強調係香港係無店嘅。。。估唔到同事報料有間東喜茶係公司附近開左，緊係要試試佢啦。圖片俾大家參考下，由於仲係開張頭幾日，未見長龍（不過之後一直都見長龍），收銀姐姐亦未係好熟部機，要啲時間㩒同消化「少甜」「少冰」嘅。佢嘅名同我係廣州飲好似，唯一唔同係肯定快過廣州就有，而價錢亦貴多。（不過連公仔都有啲似。。。）職員件衫都幾有趣，「我在泡茶」令我聯想到「非誠勿擾」。買左4杯都等左15分鐘左右。我個杯係布蕾奧利奧奶茶（＄30），唔係好特別好飲，普通左啲。芝士奶茶（＄28），都係叫呢啲會好啲，芝士味濃。喜茶幾強調要斜斜地飲，佢無特別叫人點飲。反而推介下整顆檸檬綠茶（＄35），好好飲，唔太甜，都ok，好fresh下。（唔係好記得廣州有無呢杯）