Uni-Coffee-Versity (Closed)

觀塘西餐偏貴，味道普遍都係一般，已經好耐未有間令我驚喜。遠遠黎到呢邊，都係感覺一般。環境係唔錯，近海濱，係室內嘅餐廳，都有外國人幫襯。裝修係幾型，有用心。價錢唔算貴，且要睇份量同味道。好普通嘅粟米湯，味道似係平時係超市買到，但稀咗啲。呢個係菠菜汁黑松露野菌意粉，味道一般，無乜味，有啲淡，但香味係有嘅。我叫嘅係咖喱豬扒雞串烏冬，真係超級後悔，呢個係我諗只值最多50元，粉小厚，無乜肉亦無味，烏冬上台已經涼咗，咖喱又少，好失望。飲嘅係白咖啡，還好。除了環境，其他真係。。。希望有改善，海濱都多人返工，難怪旁邊嘅茶記咁多人。