梅子貓舍 (Closed)

是日同同事一齊去睇下貓，可以食個lunch咁。門口有個小小位置俾你消毒左先行入去。入到去之後，有幾隻貓咪係頭頂嘅地方望住你，幾可愛，仲有個board介紹貓咪兩房關係圖，好搞笑。見到佢咁懶嘅樣，好想瞓哦。有5款食物可以揀湯先上，味道一般。蒜蓉包都係麻麻，好普通。同事叫雜菜湯烏冬，佢話麻麻地，無乜味，唔係特別好味道。我就叫咗呢個鴨肉蓋飯，飯都還可以，不過配料就凍咗同淡咗啲，鴨肉唔特別好味，成餐飯都麻麻。用食評嘅角度成餐飯真心普通，價錢唔算平，不過如果喜歡貓係ok嘅。拜拜你條尾～