峴港越式料理 (Closed)

繼續無放棄係觀塘搵新餐廳（之前11月太忙，依家先開始寫番），搵到呢間食越南嘢。位置係成業街，呢條街都幾多嘢食。門口都幾新，本身其實無得打電話留位，可能個陣仲係新開，就係咁e留咗（我地算早到，咁啱又有位，又叫準時到）。未到1點已經開始多人，椅係梳化位，坐得舒服。價錢還可以，睇下周圍啲人食乜。我最愛食撈檬，豬扒煎得幾好，佢上碟好特別，係用一個籃上，用菜佈底。檬粉有啲痴埋一齊，汁俾得有啲唔夠。湯頭類唔錯，火車頭湯料好夠，而且好味。順化湯粉都幾特別，有啲辣，幾香口，又唔會過份。小食叫咗蝦餅同魚餅，唔算油，不過細件咗啲，我地4個分到一小口。檸檬香茅茶幾特別，佢原根香茅俾，飲落幾清新，不過我覺得甜咗啲。晚市有糕點送。