豐味窯雞

Open Now

Now Closed

呢間真係食過返尋味🤤！今次經過觀塘, 提早訂咗全隻窯雞拎返屋企俾屋企人試吓！佢哋只做外賣, 窯雞係每日新鮮製作, 限量供應, 記住要提早預訂啊～窯雞用兩層錫紙包住, 再放入保溫袋, 拎到返屋企(約半小時)仲係熱辣辣, 保溫做得非常好👍🏻！袋內更附有勞工手套🧤、膠手套、辣椒粉🌶️, 好方便！🍗豐味窯雞 打開錫紙就見到香噴噴嘅窯雞！選用三黃雞, 以3種蔥同秘製醬汁醃製, 用錫紙包好雞隻後再以高溫烤焗, 用心製作！窯雞色澤金黃, 用手輕輕一撕就拆到啲肉出嚟, 雞肉肉質嫩滑多汁, 連雞胸肉都好滑, 一啲都唔乾柴！醃得非常入味, 啖啖都充滿着肉汁同雞油, 又唔會太鹹, 真係非常推介👍🏻