九份飽 (淘大商場1期)

Open Now

Now Closed

【觀塘區】【九份飽】呢餐飯係我認識美女朋友之後第一餐正正經經同佢食嘅飯，咁唔係話之前啲飯局唔正經，我都係想強調返，係我自己畀錢嘅啫。大個仔喇，自己識賺錢埋單㗎喇。不過又咁講，就算係同美女朋友一齊出 job，佢都相當配合，唔會詐型之餘又唔會越幫越忙。既然係自費就唔使食咁貴，之前都食過呢間台灣嘢嘅屯門分店，質素雖然平庸但的確係幾平。佢食「香酥雞扒魯肉飯」都只係 $55，最緊要係佢覺得 okay，而且唔會話唔夠食。我就食 $50 嘅「台灣擔仔油麵」，都係正正常常嘅選擇，味道不過不失咁啦。跟住叫 $37 嘅「滷味拼盤」，有百葉豆腐、雞蛋、牛肚、雞翼，最後得雞翼冇人食，豆腐受歡迎。嘢飲方面佢加 $10 飲熱「蜂蜜綠茶」，要半糖，我就都係加 $10 飲凍「百香果綠茶」，都係半糖，冇乜特別，正常嘢飲咁囉。埋單 $162，又的確係唔貴嘅。。。（地址：九龍灣牛頭角道77號淘大商場1期地下G142號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：屯門區：1am1259#1amfoodie #foodie #hkfoodie #thatfoodi