Video
Read full review
2024-04-15
971 views
【觀塘區】【February】我係一個二月生日嘅水瓶座寶寶，每逢見到相關嘅嘢都會特別 alert 到。見到呢間以呢個月份嚟命名嘅餐廳，就決心要帶埋細豬哥伉儷嚟試一試佢。佢呢間係一間西餐酒吧，除咗有西餐食之外，仲有得唱 K、掟鏢，係有酒隊、有靚女嘅一個半「蛇竇」，幾正。叫咗個 $588 嘅「二人 Set Dinner」，可以揀三個主食，細豬嫂好想食豬手，就試「德國火焰鹹豬手伴酸椰菜」，佢係德國南部特色嘅脆炸豬手，好食，上菜時仲加多一個火焰燒烤嘅特效，熊熊嘅烈火滿足埋視覺上嘅享受，伴碟嘅酸椰菜同薯茸都好好味。而套餐裡面仲可以有兩個選擇，首先揀咗「千島醬蟹肉海鮮薄餅」嚟試，千島醬好香濃，同其他餡料相輔相成，成件事幾正，好快清晒。另外一款主食就試「卡邦尼意大利粉」，咪睇佢其貌不揚，食落好濃好香蛋黃味，我哋食完都不停講返碟嘢估唔到咁正。小食就有「水牛城雞翼」同加 $68 嘅「香煎鵝肝多士」，前者被大家盛讚好味，後者都唔錯。餐湯嘅精選西式濃湯係牛尾湯，我哋加咗 $38 飲「龍蝦湯」，得到細豬嫂嘅高度評價，我就幾欣賞佢香濃得嚟幾好肉。而餐飲我哋冇要到，嚟到酒吧就梗係飲酒啦。呢度有 $320 嘅男士任
叫咗個 $588 嘅「二人 Set Dinner」，可以揀三個主食，細豬嫂好想食豬手，就試「德國火焰鹹豬手伴酸椰菜」，佢係德國南部特色嘅脆炸豬手，好食，上菜時仲加多一個火焰燒烤嘅特效，熊熊嘅烈火滿足埋視覺上嘅享受，伴碟嘅酸椰菜同薯茸都好好味。
而套餐裡面仲可以有兩個選擇，首先揀咗「千島醬蟹肉海鮮薄餅」嚟試，千島醬好香濃，同其他餡料相輔相成，成件事幾正，好快清晒。另外一款主食就試「卡邦尼意大利粉」，咪睇佢其貌不揚，食落好濃好香蛋黃味，我哋食完都不停講返碟嘢估唔到咁正。
小食就有「水牛城雞翼」同加 $68 嘅「香煎鵝肝多士」，前者被大家盛讚好味，後者都唔錯。餐湯嘅精選西式濃湯係牛尾湯，我哋加咗 $38 飲「龍蝦湯」，得到細豬嫂嘅高度評價，我就幾欣賞佢香濃得嚟幾好肉。而餐飲我哋冇要到，嚟到酒吧就梗係飲酒啦。
呢度有 $320 嘅男士任飲同 $88 嘅女士任飲優惠，好似食主食就可以加錢轉，我哋有食主食當然就可以享用。而女士嘅價錢咁經濟實惠，難怪在場係女多男少嘅，簡單嚟講就係「重女」，我呢啲窮肥矮毒去到鬼咁怕醜。而任飲嘅飲品款式，係以下呢八項：
紅酒一款
白酒一款
Gin Tonic
Long lsland lced Tea
Snow Ball
February Punch
Vodka Lime
Whisky Coke
佢呢個優惠就喺下午 3:00-6:00 或者晚上 6:00-9:00 供應，二人同行，需要惠顧一主菜、一小食。另外佢哋仲有個任飲優惠係包括紅酒、白酒同埋 8 款啤酒嘅，呢個就男士 $270 位，女士 $180 位，要埋 cocktail 再加 $50 位嘅。佢哋啲 cocktail 係出色，値得試嘅。。。
（地址：觀塘駿業街56號中海日升中心2樓A號舖）
@february_bar_restaurant
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am觀塘區 #觀塘 #february #貳月 #德國火焰鹹豬手伴酸椰菜 #千島醬蟹肉海鮮薄餅 #卡邦尼意大利粉 #水牛城雞翼 #香煎鵝肝多士 #牛尾湯 #龍蝦湯 #cocktail任飲 #cocktail #紅白酒任飲 #FoxyPeach #LoveStory #FebruaryPunch #SnowBall #LongIslandIcedTea #BlueHawaii #1am1358 #1ambackup
Post
