Video
Read full review
2023-05-06
660 views
【觀塘區】【Mr. Steak】呢間嘢我聽過好耐，亦都見過唔少次，不過我係一次都未食過嘅。因為呢啲餐廳都好難自己一個人食，而同朋友食飯嘅時候，又未必諗起佢。所以今次二月之星生日會話喺呢度搞，我都幾期待，一行三人就嚟咗德福廣場分店。我哋都預咗食半自助晚餐，因為都係呢間餐廳嘅特色嚟。咁啱佢哋做緊一個叫「日本JA全農和牛嘉年華」嘅活動，有新嘅推廣晚餐，仲可以有「自助沙律」、「甜品吧」、「飲品」同「精選餐湯」，即係佢個半自助嘅套餐囉。主食 $498，叫晒兩款，首先有「日本和牛威靈頓」，配埋芝士焗茄子、油封櫻桃蕃茄同埋松露薯茸都唔錯，只屬正常。而「日本和牛味噌燒」配芝士焗茄子、燒玉子同蕃茄本菇意大利飯就好啲，塊和牛幾好食，係亮點嚟。佢有個「飲品」係凍「蜜桃茶」，又幾好飲，不過冇得添飲，要多杯就要買，咁就梗係唔制，買多個餐仲實際啦。叫埋 $315 嘅「主廚精選烤肉盤」，有安格斯牛扒、羊鞍扒、燒雞、香草腸，都係每樣一小件，份量唔算多。味道只屬合理之下，就睇吓半自助吧幫到幾多手。我幾乎攞晒佢所有嘅甜品嚟試，然而都係中規中矩，冇乜特別，有豆腐花係驚喜嘅。鬆餅我都想試但已經飽咗，所以冇食到。埋單 $144
我哋都預咗食半自助晚餐，因為都係呢間餐廳嘅特色嚟。咁啱佢哋做緊一個叫「日本JA全農和牛嘉年華」嘅活動，有新嘅推廣晚餐，仲可以有「自助沙律」、「甜品吧」、「飲品」同「精選餐湯」，即係佢個半自助嘅套餐囉。
主食 $498，叫晒兩款，首先有「日本和牛威靈頓」，配埋芝士焗茄子、油封櫻桃蕃茄同埋松露薯茸都唔錯，只屬正常。而「日本和牛味噌燒」配芝士焗茄子、燒玉子同蕃茄本菇意大利飯就好啲，塊和牛幾好食，係亮點嚟。
佢有個「飲品」係凍「蜜桃茶」，又幾好飲，不過冇得添飲，要多杯就要買，咁就梗係唔制，買多個餐仲實際啦。叫埋 $315 嘅「主廚精選烤肉盤」，有安格斯牛扒、羊鞍扒、燒雞、香草腸，都係每樣一小件，份量唔算多。
味道只屬合理之下，就睇吓半自助吧幫到幾多手。我幾乎攞晒佢所有嘅甜品嚟試，然而都係中規中矩，冇乜特別，有豆腐花係驚喜嘅。鬆餅我都想試但已經飽咗，所以冇食到。埋單 $1442.1，多謝畀錢嘅朋友，其餘冇乜感覺。。。
（地址：九龍灣偉業街33號德福廣場二期4樓415-417舖）
Post
