良美飯堂

Open Now

Now Closed

【觀塘區】【良美飯堂】我人生第一份工係喺返九龍灣，辭職之後都比較少去九龍灣工商業區。難得自己一個去做嘢，我作為一個 foodie，就梗係要食埋嘢。喺九龍灣工業中心地下有間工廈食堂叫「良美飯堂」，淨係食堂個名喺度玩食字已經夠晒好笑，見佢咁有誠意，就入去食啦。餐牌啲名都相當親民，例如我食常餐，呢個 $50 嘅常餐係叫「爆數常餐」，加 $3 食「沙嗲牛肉」，配米通，好味喎。配菜「厚多士」同「黑松露炒滑蛋」都係誠意之作，唔係一般工廈食堂求其兜出嚟嘅嘢。餐飲「熱奶茶」都幾好，成件事係有質素嘅。忍唔住同店員讚吓佢哋啲嘢幾好食，叫多份「食完先減西多士」裡面嘅「良美西多」，即係朱古力爆醬西多，$42 嘅價錢玩到爆晒汁咁，過癮，仲有杯餐飲跟。餐飲我揀咗「熱杏霜」，不過不失嘅正常之作。估唔到會食到 $95，咁食飯亦都真係唔貴嘅。。。（地址：九龍灣宏開道15號九龍灣工業中心地下3號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tas